Scoil: Béal Átha an Ghaorthaidh, Maghcromtha

Ar an leathanach seo

1. Béaloideas - Scéal

   

   Roinn Roinn Postáil

   Bhí fear ann fadó agus ’sé an ainm a bhí air ná Seán Córach. Bhí sé ’na chónaí lena mháthair i dtigh beag deas cluthar agus bhíodar go lántsásta agus a ndóthain le n-ól agus le n-ithe acu.
   Is é an sórt suipéir a bhíodh acu gach oíche ná leite mine buí. Nuair a bhíodh sí beirithe do thógadh an mháthair a cuid féin amach i méis agus d’fhágadh sí cuid Sheáin sa chorcán agus do chaitheadh sí taoscán bainne isteach ann. D’itheadh Seán go meidhreach sásta mar sin í agus ní bheadh aon mheas ar aon chor aige uirthi muna bhfaigheadh sé as an gcorcán í. Duairt a mháthair leis aon lá amháin:- “A Sheáin, a stóraigh, táim ag smaoineamh le tamall go bhfuil sé in am duit bheith ag cuimhneamh ar phósadh agus bean óg éigin d’fháil duit féin, mar tá ’fhios agat go bhfuilimse ag dul i gcríonnacht agus ná féadfad maireachtaint i bhfad eile agus mo lánsaol d’fháil, mar ní bheidh compord agat go dtí go mbeidh bean éigin agat a dhéanfaidh gnó a’ tí duit.”
   Geallaimse dhuit ná raibh aon leisce ar Sheán an chomhairle sin do ghlacadh óna mháthair mar bhí fonn pósta air féin le

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Maighréad Ní Chróinín

   Inscne

   Baineann

   Aois

   13

   Seoladh

   Carraig na Damhaire, Co. Chorcaí