Scoil: Béal Átha an Ghaorthaidh, Maghcromtha

Ar an leathanach seo

1. Béaloideas - Scéal

   

   Roinn Roinn Postáil

   Do bhí buachaillín le dronn air ag aoireacht bó i bpáirc cois leasa. D’airigh sé an t-amhrán beag istigh sa lios. Bé an t-amhrán a bhí ar siúl acu ná: “Dé Luain, Dé Máirt – Dé Luain, Dé Máirt.” Bhí an garsún ag éisteacht agus duairt sé:- “Dé Luain, Dé Máirt, Dé Céadaoin.” Do chuir an fear istigh sa lios fear amach féachaint cé chuir an píosa deas leis an amhrán. Nuair a chuaigh an fear thar n-ais go dtí an lios d’innis sé gur garsún beag a bhí ann agus dronn air. “Imigh amach,” ar seisean, “agus ó dhein sé an t-amhrán chomh deas san dúinn bain an dronn de.” Chomh maith do dhein. Chuaigh an garsún abhaile agus áthas air.
   Bhí garsún eile sa bhaile lena ais go raibh dronn eile air. Nuair a chonaic sé é seo gan an dronn air agus nuair a airigh sé an scéal ní raibh sé sásta gan dul fé dhéin an leasa é féin. Do ghluais sé leis agus d’airigh sé an t-amhrán. Do labhair an buachaillín:- “Agus Déardaoin,” ar seisean. Nuair a airigh fear an leasa é seo bhí sé ar deargbhuile. “Imigh amach,” ar seisean “agus féach cé tá tar éis m’amhrán do lot.” D’imigh an fear amach agus tháinig sé isteach leis an scéal gur garsún eile a

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0503: The Gifts of the Little People

   Teanga

   Gaeilge

   Bailitheoir

   Máire Ní Shéaghdha

   Inscne

   Baineann

   Aois

   10

   Seoladh

   Béal Átha an Ghaorthaidh, Co. Chorcaí