Scoil: Béal Átha an Ghaorthaidh, Maghcromtha
- Suíomh:
- Béal Átha an Ghaorthaidh, Co. Chorcaí
- Múinteoir: Gobnait, Bean Uí Liatháin
Tagairt chartlainne
Bailiúchán na Scol, Imleabhar 0338, Leathanach 132
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Máire P Ní Chróinín, Goirtín Fliuch. Aois – Dhá bhliain déag
10-5-’38
Scéal – An Tiarna Talún
Bhí Tiarna Talún ’na chónaí i nGoirtín Eoin fadó. Nuair d’oireadh do dul go Maigh Chromtha, nó teacht as, do caithfí an capall dob fhearr a bhí sa pharóiste do chur leis nó do chur ’na choinnibh. Uair a bhí sé ag teacht ó Maigh Chromtha do chuir sé fios ar chapall Sheáin Uí Luasaigh ó Chathair na Cátha chun dul ’na choinnibh. Chaithfeadh an giolla siúl abhaile mar ní leogfadh sé do teacht leis sa charráiste.
Nuair a tháinig sé go Doire na Leacan do rith gadhar amach as tigh a bhí ar thaobh an bhóthair. Do rug sé greim ar shálaibh an chapaill agus as go brách leis le fánaidh. Do tharraing sé ró-ghairid i gcasadh i nGoirtín na Coille agus d’iompaíodh é. Do briseadh an dá leathlaí agus do scoir an capall é féin amach ón gcarráiste. As san amach níor iarr sé capall ar aon tineontaí.
Nuair a fuair sé bás do bhí an áit mórthimpeall an tí clúdaithe le daradaoil agus iad go léir ag déanamh ar an dtigh. “Law” dob ainm do.
- Bailitheoir
- Máire P. Ní Chróinín
- Inscne
- Baineann
- Aois
- 12
- Seoladh
- An Goirtín Fliuch, Co. Chorcaí
