Scoil: Béal Átha an Ghaorthaidh, Maghcromtha
- Suíomh:
- Béal Átha an Ghaorthaidh, Co. Chorcaí
- Múinteoir: Gobnait, Bean Uí Liatháin
Tagairt chartlainne
Bailiúchán na Scol, Imleabhar 0338, Leathanach 073
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Eibhlín Ní Cheallacháin, Cathair na Cátha. Aois – Aon bhliain déag
24-1-’38
Béaloideas – Scéal
Do bhí sagart ann uair agus ní thabharfadh sé aon ní d’éinne. Do chuir Eoghan Ruadh Ó Súilleabháin geall le feirmeoir go bhfaigheadh sé suipéar agus lóistín uaidh. Do chuir an fear geall leis ná faigheadh.
D’imigh Eoghan go tigh an tsagairt ag titim na hoíche. Do bhuail sé ar an doras; do tháinig an sagart amach agus arsa Eoghan leis:- “An té a gheobhadh airgead ag dul amú cad ba cheart do a dhéanamh leis?” Do stad an sagart tamall agus ansan duairt:- “fan go [dtí] maidean, tá sé ana-dhéanach anois.” Do thug sé suipéar do Eoghan agus lóistín na hoíche agus nuair a bhí an breicfeast ite aige duairt an sagart:- “Cá bhfuil an t-airgead a fuairis ag dul amú?” “Ar ndóin,” arsa Eoghan, “ní duartsa go bhfuaras airgead ag dul amú, ach cuir i gcás dá bhfaighinn cad ba cheart dom a dhéanamh leis?” “Scrios as mo radharc,” arsa an sagart. Do chuaigh Eoghan go dtí an feirmeoir agus do bhí an geall aige.
- Bailitheoir
- Eibhlín Ní Cheallacháin
- Inscne
- Baineann
- Aois
- 11
- Seoladh
- Cathair na Cáithe, Co. Chorcaí
