School: Com Sheóla (B) (roll number 15646)

On this page

1. Peig Ní Luana

   

   Share Share Post

   Ós cionn trí fichead blian ó shoin bhí na cómhnuidhe ar a dtaobh thuaidh de Ghleann Garbh seana bhean dar bainm di Peig Ní Luana. Níl aon dhabht ná go mbíodh sí i gcómhluadar na nDaoine Maithe. Go mion minic chonnacthas, fiche míle béidir, ó Ghleann Garbh í, go deunach is doichche, acht bhíodh sí thar nais na bothán féin nuair deirigheadh a comharsana ar maidin.
   An uair céadna bhí feirmeóir bocht shuas i mBárluin. Deirig sé maidin agus ná raibh an bhó do bfhearr a bhí aige sínte marbh sa pháirc le hais an tighe. An mhaidean na dhiaidh san bhí ceann eile na cnap sínte taobh amuigh de'n doras agus an tríumhadh maidean ná raibh bó eile marbh. Ní nár biongnadh bhí fear bocht geall leis an eadtromacht agus bheartuig sé na aigne go raghadh dé ag triall ar Pheig Ní Luana feuchaint a bhfeudfadh sí aon stop a chur leis an sgrios. Bhfada an taistear a bhí aige ó Bhárluin go Gleann Garbh acht ar aon chuma do shaothrug sé bothán Pheig ar thuitim na hoidhche. Ar dhul isteach do ní fheacadih sé aoinne acht ba gheárr gur labhair Peig thios sa seómra bheag agus dubhairt go raibh fios fáth a theachta go cruinn aici féin. Sar a raibh d'uain aige labhairt tháinig Peig anios chuige agus thug dhá buidéal bheaga do. Dubhairt sí leis a raibh i gceann des na buidealaibh a dhoirteach timcheall an tighe agus a raibh sa cheann eile a stealadh ar na buaibh a bhí fágtha aige.
   Do dhein sé rud uirthi agus níor cailleadh oiread is mionán gabhair sa bhfeirm sin ó shoin.

   

   Transcribed by a member of our volunteer transcription project.

   History Edit

   Topics

   1. agents (~1)
      1. supernatural and legendary beings (~14,864)

   Language

   Irish

   Collector

   Mícheál Ó h-Ualalcháin

   Gender

   Male

   Address

   Kealanine, Co. Cork

   Informant

   Seán Ua hEaluighthe

   Gender

   Male

   Age

   92

   Address

   Farranfadda, Co. Cork