Scoil: Fearainn an Choirce (uimhir rolla 14532)

Suíomh:
Fearann an Choirce, Co. na Gaillimhe
Múinteoir:
Seán Ó Maoldhomnaigh

Scag na scéalta

Taifeach: Íseal | Ard
Seanchas i dtaobh na hAimsire

Tagairt Chartlainne

Bailiúchán na Scol, Imleabhar 0001, Leathanach 157

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Seanchas idtaobh na h-aimsire

Nuair a bhíonn droch-aimsear air bíonn go leór scamall mór dubh ins an spéir. Gaoth andeas nó gaoth aniar ndeas a bhíonn ann. Éirigheann an fhairrge an-gharbh nuair a bhíonn droch-aimsear air. Comhartha eile iseadh, sóirt fáinne timcheall na gealaighe, agus nuair a bhíonn an grian ag dul faoi téidheann sí isteach ins na scamallaibh, agus bíonn cosa fuithe freisin. Nuair a bhíonn aimsear gharbh le teacht bíonn na scamaill ag spréacharnaigh. Sí an ghaoth andeas is minice a thuganns báisteach léi. Is comhartha báistighe é na h-éanlaithe a bheith ag eitilt go h-íseal. Tagann na faoileáin isteach ón fhairrge, tugann an cat a dhruim do'n teinidh, agus itheann an mada féar sul a thagann báisteach. Chídhtear caoirigh thuas go h-árd ar na sléibhtibh, agus cnocaibh le aimsir bhreágh; acht le droch-aimsir chídhtear iad ag teacht anuas. San Samhradh nuair a bhíonn sé ag tarraingt cun báistighe bíonn an aimsir an-mheirbh, agus bíonn go leór míoltóg ag dul thart. Nuair a bhíonn droch-aimsir air bíonn lasracha gorma san teinidh. Bíonn súghaidh ag tuitim de'n simléar nuair a bhíonn báisteach air. Téidheann an deatach suas díreach le aimsir bhreágh.

(leanann ar an chéad leathanach eile)
Bailitheoir
Caitlín Ní Chongaile
Inscne
baineann
Seoladh
Eochaill, Co. na Gaillimhe
Faisnéiseoir
Seán Ó Congaile
Gaol
tuismitheoir
Inscne
fireann
Seoladh
Eochaill, Co. na Gaillimhe
Teanga
Gaeilge