School: Maighros

On this page

1. Caitheamh Aimsire (continued)

   

   Share Share Post

   (continued from previous page)

   agus léimeann sé amach thar cheann an té a bhíos roimhe. Éirigheann siad uile mar seo agus léimeann siad thar cheann a chéile nó go mbíonn an chéad duine ar deire.
   Seo cuid de's na cinn a bhíos ag cailíní.
   Geibhíní: Seo é an chaoi a n-imrightear an cluiche sin. Téigheann duine amháin ar tosach agus téigheann na cailíní eile uilig ina diaidh ach amháin duine. An duine a bhíos fágtha téigeann sise mar shionnach agus triálann sí gach cleas le duine de's na cailíní deireidh a thabhairt léi. Bíonn an chéad duine mar mháthair agus bíonn sí ag iarraidh na daoine eile a chosaint.
   Dathanna:
   Beireann na cailíní uilig ar a chéile ach beirt. Téigheann an bheirt sin amach agus toghann siad dhá dhath. Árduigheann siad a gcuid lámha agus téigheann na cailíní eile amach fútha ach amháin an duine deireannach. Fiafruigheann an bheirt a bhíos amuigh de'n duine sin cé aca de'n dá dhath a bhíos tóghtha aca is fearr léi. Pébí ceann a deireas sí téigheann sí ar chúl an duine a mbíonn an dath sin aici. Leanann siad ortha mar sin nó go dtí nach mbíonn aoinne fágtha. Ansin tosuigheann siad ag tarraint a chéile ar fud na páirce.

   (continues on next page)

   

   Transcribed by a member of our volunteer transcription project.

   History Edit

   Topics

   1. activities
      1. social activities (~7)
         1. entertainments and recreational activities (~5,933)

   Language

   Irish

   Collector

   Máire Ní Dhonnchadha

   Gender

   Female

   Address

   Leitreach Ard, Co. Galway