School: Cineal Conaill (roll number 15271)

On this page

1. An Fidileoir Caoch (continued)

   

   Share Share Post

   (continued from previous page)

   Thoisigh an ceól ba bhinne a chuala tú ariamh agus shiubhal an cuideachta thart ar an teach agus bhí siad fadalach ag teacht isteach. Thainic ciúnas sa deireadh agus nuair a d’amharc Nóra amach arais ní rabh duine ar bith le feiceal thart fá’n áit.
   Bhí iongantas mór ortha uilig acht níorbh fhada go dtí gur nochtadh an sceal. “Bhí an (píobaire) Fidleoir Caoc marbh agus curtha le trí seachtmainí ach choinnigh sé a fhocal go deireadh an chaibidil”.

   

   Transcribed by a member of our volunteer transcription project.

   History Edit

2. Amhrán an tSagairt

   

   Share Share Post

   

   You are not logged in, but you are welcome to contribute a transcription anonymously. In this case, your IP address will be stored in the interest of quality control.

   “Amhrán an tSagairt”. Bhí péire fá choinne pósadh agus bhí a phairtse in éadán í a phósadh mar bhí sise bocht. Ach bhí bean eile ar an bhaile a bhí saidhbhir ar mhaith leobhtha cleamhnas posta a dheánamh léithe agus chuaidh se ionnair na [mará]? seo. Lá ar na bhárach bhí an cáilín bocht seo a fágadh, bhí sí ag gabhail an bealach mór agus casadh an sagart uirthi. “Tá tú buadhartha indiú”, arsa an sagart léithe. “Tá”, dubhairt sise, “mé buadhartha”. “Tar chugamsa anocht”, arsa seisean, “go bhfogluimidh me amhrán duit”. Nuair a bhí an tamrán fogluimthe aicí arsa seisean. “Tá an lánamhain le pósadh i mbárach agus béidh bainfheis mór aca. Nuair a thiocfas siad le pósadh iarrfaidh mise ar mo cháilín sheirbhise innse daobhtha nach [mbínn]? sa bhaile go dtí an oirthir le na bpósadh. Ach cibé béidh an bhainfeis aca oidhche i mbárach. Nuair a thiocfas an oidhche cóirigh tusa thú féin in éideadh mrá boichte agus gabh isteach agus suidh i gcoirneál dorcha. Nuair a gheobhas tú suaimhneas abair an t-amhran. Comh luath agus tá se - ráidhte agat bhí do léim amach ar an doras”.

   (continues on next page)

   Save Cancel

   Transcription guide »

   By clicking the save button you agree that your contribution will be available under the Creative Commons Attribution-NonCommercial 4.0 International License and that a link to dúchas.ie is sufficient as attribution.

   Topics

   1. genre
      1. poetry
         1. folk poetry (~9,504)

   Language

   Irish

   Informant

   Nóra Nic Giolla Bhrigde

   Gender

   Female

   Age

   84

   Address

   Machaire Chlochair, Co. Donegal