Scoil: An Áird (Ardfield), Clanna Caoilte (uimhir rolla 12147)

Ar an leathanach seo

1. Púca na Cleithe Fada agus Iascairí an Domhnaigh

   

   Roinn Roinn Postáil

   Tímcheall trí fichid bliain ó shoin do bhí go leór iascaireachta ar siubhal tímcheall a’ chósta seo. Tráthnóna Sathairn bhí mór-chuid bád ag iascacht deargán fé róid ar charraig.
   T’réis roinnt íascaireachta a dhéanamh do tharraigídear go léir suas go luath agus do dheineadar an baile roim a’ dó-dhéag a’ chlog mar deirtear go leanann an mí-ádh íascaire a’ Domhnaigh.
   Bhí aon bhád amháin ann amhthach agus d’fhan sí amuigh go dtí a h-aon nó a dó a’ chlog. Fé dheire thiar thall do tharraigídear anios an ancaire agus do chuireadar na maidí amach. Bhí cúigear ag iomramh agus fear a’ stiúradh agus ní raibh síad abhfad sa t-siúbhal ’nuair do léim a’ captaen as a chabhail agus dubhairt sé leó go bagartach “Cuir díbh fheara, cuir díbh.” Oidhche bhreágh spéirghealaí do bhí ann agus níor thuigeadar goidé an fáth go raibh an deithneas air, ach mar sin féin do dheineadar rud air go deair.
   Ba ghearr gur labhair sé airís agus tuille fuadair fé. “Cuir díbh, adeirim-se, cuir díbh go tuigh”
   Do luigheadar ar na maidí chómh tréan agus do b’fhéidir leó é
   Bhí a’ captaen a’ bagairt ortha ar feadh na slígheadh go léir agus chuir san iongnadh a’ domhain ortha, mar fear

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Donnchadh Ó Fínn

   Inscne

   Fireann

   Aois

   c. 50

   Seoladh

   Dún Eoghain, Co. Chorcaí