Scoil: Baile Chláir na Gaillimhe (Buachaillí)
- Suíomh:
- Baile Chláir, Co. na Gaillimhe
- Múinteoir: Tomás Ó Conchobhair
Tagairt chartlainne
Bailiúchán na Scol, Imleabhar 0032, Leathanach 0212
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Baile Chláir na Gaillimhe (Buachaillí)
- XML Leathanach 0212
- XML “Scéalta ag Baint le hAinmhithe Allta”
- XML “Scéalta ag Baint le hAinmhithe Allta”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Bhí sionnach ann uair amháin agus oidhche an dorcha tháinig sé go cró na gcearc agus chuaidh sé isteach i bpoll a bhí ann agus thosuigh sé ag marbhughadh na gcearc. Ar maidin nuair a tháinig an feilméar amach leis na cearca a leigint amach bhí siad ar fad marbh agus an sionnach ina luighe mar a bheadh sé caillte in aice leo. Rug an feilméar ar ruball an tsionnaigh agus thug sé cúpla cic dhó agus caith sé amach ar an gcarn aoilig é. Annsin d'éirigh an sionnach agus rith sé leis.
- Bhí Sionnach ag siubhal thart lá agus casadh portán leis. Bhí siad ag siubhal le chéile agus thosuigh an sionnach ag caitheamh droch-mheasa ar an bportán agus ars' an sionnach "Níl a bhfhios agam an ar do chúl no ar t'aghaidh nó i n-aghaidh do thaoibhe atá tú ag siubhal". "A shionnaigh na gcrúb" a deir an portán, "cuirfidh mé giní go scoithfidh mé thú i rása míle". Chuir an sionnach giní eile nach scoithfeadh. Thosuigh siad ag rith. As go bráthach leis an sionnach. Thug an portán léim agus chuaidh sé i bhfastódh in earball an tsionnaigh agus bhí sé ag imteacht gur tháinig sé go cloich an míle. Chas sé go tapaidh go bhfeicfeadh sé cá raibh an portán. Léim an portán as a earball(leanann ar an chéad leathanach eile)
