Scoil: Lochmuice (uimhir rolla 16556)

Ar an leathanach seo

1. Tobar i Srath na gCapóg (ar lean)

   

   Roinn Roinn Postáil

   

   Níl tú logáilte isteach, ach tá fáilte romhat tras-scríobh a dhéanamh go hanaithnid. Sa chás seo, déanfar do sheoladh IP a stóráil ar mhaithe le rialú cáilíochta.

   (ar lean ón leathanach roimhe)

   braon tae do agus thoisigh sé fhéin agus an chailleach ag troid. Bhí an chailleach ag fágháil an bhuadh air agus sgairt sé ar an chú, "Cuidigh cuidigh a chú," ar seisean. "Teann, teann, a ribe," ar sí agus "bain an ceann de'n chú." Annsin sgairt sé ar an t-seabhach." "Teann, teann, a ribe agus bain an ceann de'n tseabhach," arsa sise. "Cuidigh, cuidigh, a mhong," ar seisean. "Teann, teann, a ribe agus bain an ceann de'n mhong," ar sise. Mharbhuigh sise an buachaill agus thug leithe slat draoidheachta agus rinne sí ceithre clocha bána dóibh. Nuair a d'éirigh an dearbhrathair a bhí i Sráth na gCapóg ar maidin, bhí íochtar meala agus uachtar fola ar an tobar. Dubhairt sé na gcodlóchadh sé aon oidhche amháin i dteach amháin go bhfeiceadh sé cad do thárla do'n dearbhrathair eile. Shiubhal sé leis go raibh neóin agus deireadh an lae ann. (Thárla isteach i dteach na caillighe móíre é. D'iarr sé lóistín uirri. Fuair sé é. Bhí cú, seabhach, agus capall leis. Thug sí trí ribe do le iad a a cheangailt ach ní cheangleochadh sé iad. Cheangail sé iad le trí shifín luathair agus chaith sé na ribí ins an teine. Dubhairt sí leis gur mharbhuigh sí an buachaill eile agus go marbhóchaidh sé é fós. Dubhairt sé go mbéadh le na bhfeiceáil. Thoisigh siad ag troid. Dubhairt sí, "Teann, teann, a ribe,agus "bain an ceann de'n chú." "Is deacair dom," arsa an ribe "agus mé ar chúl mo chinn ins an teine." Bhain an cú greim aiste. Annsin dubhairt sí, "Teann, teann, a ribe agus bain an ceann de'n tseabhach." "Is deacair dom," arsa an ribe "agus mé ar chúl mo chinn ins an teine." Sgairt sé ar an t-seabhach, agus tháinig sé agus phioc sé na súla aiste. Sgairt sí air an ribe airíst acht ní raibh maitheas ann. Tháinig an

   (leanann ar an chéad leathanach eile)

   Sábháil Cealaigh

   Conas tras-scríobh a dhéanamh »

   Má chliceálann tú ar an gcnaipe sábhála, glacann tú leis go mbeidh do shaothar ar fáil faoi cheadúnas Creative Commons Attribution-NonCommercial 4.0 International License agus gur leor nasc chuig dúchas.ie mar aitreabúideacht.

   Innéacs seanscéalta

   AT0303: The Twins or Blood‑Brothers

   Teanga

   Gaeilge

   Bailitheoir

   Máighread Nic Mheanmon

   Inscne

   Baineann

   Aois

   14

   Seoladh

   An Liuchmhín, Co. Dhún na nGall

   Faisnéiseoir

   Micheál Mac Meanmon

   Gaol

   Tuismitheoir

   Inscne

   Fireann

   Aois

   c. 60

   Seoladh

   An Liuchmhín, Co. Dhún na nGall