Imleabhar: CBÉ 0283
- Dáta
- 1928
- Bailitheoir
- Suíomh
Tagairt chartlainne
An Príomhbhailiúchán Lámhscríbhinní, Imleabhar 0283, Leathanach 0077
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
Íoslódáil
Ar an leathanach seo
(gan teideal)
“Do bhí táilliúir Chromuil ag obair uair amháin...”
ag77
Do bhí táilliuir Chrouil ag obair uair amháin a thiar i bhfuthaire
agus mar seo oidhche agus roinnt des na cómharsain bailighthe istigh
do thug duine éigin aca fé ndeara go raibh cos ana ghrána
ag an dtáilliuir. Na theannta san do bhí an chos cropaighthe.
Chuil," arsan duine sin. "Do chuirfinn geall ná feacaidh aoinne
riamh cos níoba ghráinne ná an chos san anois."
Do stad gach aoinne agus d’fhéacadar ar an gcois agus
d’adhmhuigh gach aoinne aca ná feachadar. Níor leig an táilliuir
air gur airigh sé iad ar feadh tamaill agus annsan do
labhair sé. "Cuirfidh mé geall," ar seisean, "go bhfuil
cos níos gráinne ná an chos san istigh sa tigh seo anocht.
Do leath a bhéal ar a raibh istigh agus d’fhéach gach aoinne
ar a chosaibh féin. Do thárla go raibh cos crapaighthe ag
bean a’ tighe féin agus do tháinig fearg uirthe sin nuair
d’airigh sí cad dubhairt sé. Fé dheire dubhradar go léir
ná raibh aon chos ann níoba ghráinne ná an chos san aige féin
agus leis sin do tharraing an a tháilliuir amach chúcha a
chos eile agus do bhí an chos san níba sheacht mheasa ná an
ceann eile. Ní misde a rádh ná gur baineadh geit asta
go léir agus do thugadar tamall maith ag gáiridhe na thaobh.