School: Baile an Mhuillinn (B)

On this page

1. An Feairín Beag Gorm

   

   Share Share Post

   An Feairín beag gorm
   Bhí sean ghabha fadó ann agus ní raibh aige acht aon mhac amháin agus bhí an mac sin fhéin i n-a leath-amadán. Bhí sé mí-stuamdha ciotach in gach uile cinéal slighe. Chaith sé seacht mbliadhna ag dul annseo agus annsiúd ag fóghluim a cheirde. Bhí sé beagnach chomh dall an lá deiridh is bhí sé an chéad lá acht amháin go raibh sé go han-mhaith agus deaslámhach ag déanadh agus ag deasughadh céachta.
   Thug an sean-ghabha comhairle dhó annsin ag fághail bháis dó gan aon obair ceardchan a ghlacadh idir lamhaibh acht céachtaí agus go ndéanfadh sé cúis maith go leor. Níor ghlac. Bhí sé ag dul ar aghaidh go deas agus fuair sé bean agus spré acht nach bean óg na bean slachtmhar na spré mhór a fuair sé.
   Aon lá amháin chonnaic sé ag tigheacht aige anoir an bóthar feairín beag gorm ag marcaigheacht ar chapall beag bán. D'isligh an feairín beag gorm ag doras na ceardchan agus d'fhiafruigh sé de'n gabha an gcuirfeadh sé crudh ar a chapall dó. "Ní fhéadainn", ars' an gabha, "níl mé í n-ion tada a dheánamh acht ceachtanna". Tharraing an feairín beag an capall isteach sa gceardchain. Rug sé ar tuagh agus le aon buille amháin ghearr sé an chos de'n chapall. Sháith sé síos an chos agus píosa beag iarainn sa teine agus le cúpla buille casúir ní fhacaidh tú ariamh acht an crudh deas a bhí curtha ar an gcois aige. Sháith sé faoi'n gcapall an chos agus amach leis an gcapall chomh slán is bhí sé ariamh is an feairín ar a mhuin. "Dar

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0753: Christ and the Smith

   Language

   Irish

   Collector

   P. O Díscín

   Gender

   Male

   Occupation

   Múinteoir

   Informant

   Micheál Halliday

   Gender

   Male

   Address

   Dalgin, Co. Galway