School: Lougheraherk (roll number 12118)

On this page

1. (no title)

   “Bhí fear ann aon uair amháin agus bhí bean aige. Fuair an bhean bás agus d'fhág sí dílleachta gasúir in a diaidh. Ní dheachaidh bliadhain thart gur phós an baintreacht ath-uair...”

   

   Share Share Post

   “Bhí fear ann aon uair amháin agus bhí bean aige. Fuair an bhean bás agus d'fhág sí dílleachta gasúir in a diaidh. Ní dheachaidh bliadhain thart gur phós an baintreabhach ath-uair.
   Bhí go maith a’s ní rabh go h-olc gur éirigh clann na mná eile aniós, agus mar is gnáthach, chá rabh an leas-mháthair maith nó cinealta do’n dílleachta. Bhéarfadh sí air an t-uathbhas oibre a dheánamh agus ins an am céadna ag spárail a cuid páisdí fhéin. Nuair ba mhian leithe rud ar bith a fhághail deánta, sínfeadh sí a méar fhad leis an dílleachta sin an dóigh ar ghnáthach léithi an t-órdú a thabhairt dó.
   Choinniughadh sí géacha agus am éigin acha’n oidhche shinfeadh an leas-mháthair a méar fhad leis an dílleachta ag tabhairt le fios dó go rabh an t-am aige ann na géacha a chruinniughadh agus iad a chur isteach sa chró.
   Ach le sgéal fada a dheánamh goirid, ba ghoirid an saoghal a thug an dara bean léithi ach oiread agus tháinig an lá nuair a fuair sí bás. An oidhche chéadna sin chan an dílleachta an rann seo a leanas:
   “A ghioll’ udaidh a shíneas a mhéar
   Cuir fhéin na geacha ‘nocht isteach,
   Cé gur beag an deifir atá eadar indiú a’s indé
   Is goirid a bhíos toil Dé ag teacht.”

   

   Transcribed by a member of our volunteer transcription project.

   History Edit

   Topics

   1. genre
      1. poetry
         1. folk poetry (~9,504)

   Language

   Irish

   Collector

   Máire Nic Ceannfhaola

   Gender

   Female

   Informant

   Seán Mac Niallghuis

   Gender

   Male

   Age

   50

   Address

   Dún Allt, Co. Donegal