Scoil: Cloonacool (uimhir rolla 4802)
- Suíomh:
- Cluain na Cúile, Co. Shligigh
- Múinteoir: Seán Ó Blioscáin
Tagairt chartlainne
Bailiúchán na Scol, Imleabhar 0171, Leathanach 098
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Cloonacool
- XML Leathanach 098
- XML “Muckelty Hill”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- I ndeisceart Co. Shligigh tá trí cnuic mar atá Cnoc Ceise, Cnoc Mucaltaigh agus Cnoc na Sidhe. Tá siad in aon líne amhain beaga. Ceis ag ceann amaín, Cnoc na Sidhe ag an gceann eile agus Mucaltaigh sa lár. Cnoc usal seadh Cnoc na Sidhe, cuma cruinn air, talamh fheármar ar a chliatháin agus ar a bhárr. Níl Ceís chomh feármar ná chomh h-áluinn ach tá sé maordha ina shlighe féin. A mhalairt ar fad de chnoc atá i Mucaltaigh - gan ag fás air ach feár garbh, fraoch agus raithneach. É mi-cumtha agus gan áilneacht ar bith ag baint leis. Tá dhá mheall ann, meall mór agus meall beag agus sgoilt neamh-dhoimhin eatorra. Cé mar tharla don chnoc mi-chumtha, gránda so bheith sa lár eadar an dhá cheann uasail eile? Ag Domhnall mac Domhnaill do bhí na chomhnuidhe i dTobar a’coire caoga bliadhain ó shoin bhí a fhios sin. Agus tuige nach mbeádh? Nár rugadh agus tógadh é fé scáth Cnuic Ceise agus muna mbeádh an fhírinne aige-sean cé aige go mbeádh sí? Seo mar tharla do Cnoc Mucaltaigh a bheith mar a bfhuil sé anois: fad ó riamh bhí dhá árus ag na sídheogaibh san taobh theas den condae seo - bhí ceann aca i gCeis agus an ceann eile fá Chnoc na Sidhe. Thainig fonn athrú ar rí na sidhe - bhfearr leis aon phálás mór bhreagh a bheith aige ná dhá ceann gréasunta maith. Seadh, chuirfeadh sé Cnoc Ceise ar bhárr Cnoc na Sidhe agus annsin bheád aige pálás gur fiú pálás a thabhairt air. Ach bh fhusa a radh ná a dhéanamh. Tá a lán cumhacht ag na sidheogaibh ach atá fhios ag an saoghal nach bfuilíd láidir. Cé mar d’eireóchadh leo cnoc mór Ceise(leanann ar an chéad leathanach eile)
