Scoil: Mucros (uimhir rolla 5364)
- Suíomh:
- Mucros, Co. Dhún na nGall
- Múinteoir: Aodh Ua hEigeartaigh
Tagairt chartlainne
Bailiúchán na Scol, Imleabhar 1043, Leathanach 229
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (A) Malaidh na Bruighne.
Ar an taoibh shoir-dheas de Thráigh LobhAir i Mucros i bParróiste Cille Chartha tá malaidh le feicéailt ag árdughadh féin aníos ó’n chladach. Tá fánaidh maith rithte leis an mhalaidh seo ar thaoibh na trágha de ach níl an fánaidh baoghal ar comh rithte ar thaoibh an bhaile de. Bhíodh sluagh sidhe in a gcomhnaidhe ins an mhalaidh seo fad ó shoin agus bhí rí ortha dar b’ainm Cnapastúm. Is iomda sin troid agus bruighean a bhíodh ag sídheogaí Mhucrois le slóighthe sidhe eile. Throideadh siad le sidheógaí Gleanna Bholcám a bhí ‘na gcomhnuidhe i nGleann Bholcám : gleann fiadham atá i n-uachtar Gleann a’ Bhaile Dhuibh. Bolcan an rí a bhí ar shluagh sidhe Gleanna Bolcám. Throideadh siad fosta le sídheoghaí Chonnachta agus de réir cogamhlachta throidtidhe ‘ac darna cath ‘sa’ bhaile agus ach darna cath ar an choigcrich .i. ar talamh a náimhdé. Thall i gConnacht a marbhadh Cnapastúm, nuair bhí sé ar thoiseach a shloigh i dtroid a bhí eatorra féin agus sluagh sidhe Chonnachta. Troideadh an cath seo ar Bheann Bulbáin idir Mullach Mór agus Sligeach.
An tobar a bhfuil iomrád air ins an scéal céadna tá sé le feicéailt go fóill ar thaoibh na trágha de Mhalaidh na Bruighne. Tobar Chnapastuin a beirtear air go dtímh lá indiu. Tá neart scéaltach ins an cheanntar seo go fóill fa Chnapastún Mhucrois agus a shluagh sidhe. Seo in ar ndiaidh cuid aca a scríobhadh síos mar d’innis seandaoine an cheanntair iad.
