Scoil: An Árd Leathan (uimhir rolla 7680)
- Suíomh:
- An Ailt Leathan, Co. Dhún na nGall
- Múinteoir: Pádraig Mac Ailin
Tagairt chartlainne
Bailiúchán na Scol, Imleabhar 1094, Leathanach 457
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
Íoslódáil
Sonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: An Árd Leathan
- XML Leathanach 457
- XML “Seanscéal”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
Seanscéal (ar lean)
“Bhí baintreabhach ann uair amháin agus bhí inghean amháin aici. Ní leigfeadh an mháthair d'on cailín rud ar bith a dhéanamh.”
(ar lean ón leathanach roimhe)tugadh duithi an méid snáth a sníomh sí an roimh sin agus h-iarradh uirthi é a fhige roimh an oidhche. Ní rabh sí ábalta an snáth a fhighe agus thosuigh sí ag caoineadh. Ní rabh sí a bhfad gur mhothuigh sí bualadh taobh amuigh d’en doras. Fosgladh an doras agus tháinig bean agus lámh mhór uirthi isteach. D’Fiafruigh sí d’on cailín cá tuige a rabh sí ag caoineadh. D’innis an cailín an t-ádhbhar duithi. Fighfidh mise duit é arsa an cailleach, má thuibhairfeann tú cuireadh na bainse damh. Bhéarfaidh agus fáilte arsa an cailín. Thosuigh sí leis an (lámh mh) láimh mhór agus ní rabh sí i bhfad go rabh deireadh an snáth a lín-éadach aici. Dimthigh sí arais annsin. Tháinig an bhean eile isteach sa tráthnóna agus bhí lúthghar mhór uirthi nuair a chonnaic sí an lín-éadach uilig déanta.
Ar maidin an [treas]? lae tugadh an cailín isteach a seomra eile agus fuair sí an méid lín-éadach a bhí fighte aici indé agus h-iarradh uirthi é a ghearradh agus léinte a dhéanamh de. Ní rabh (i) an cailín ábalta seo a dhéanamh agus thosuigh sí ag caoineadh. Sa deireadh mhothuigh sí bualadh ag an doras. Fosgladh an doras agus tháinig cailleach isteach a rabh srón uirthi comh mór le do dhá dhuirn. Rinne sí an margadh céadna leis an cailín a rinne an dá cailleach eile. Annsin thosuigh an cailleach ag gearradh agus ag fuigheall agus ní rabh sí abhfad go rabh deireadh déanta aici. Dimthigh sí annsin arais. Annsin tháinig an bhean eile isteach na seomra tráthnóna Bhí lúthgháir mór uirthi agus shocruigh sí lá na bainse. Tháinig lá na bainse agus thosuigh na daoine uilig ag tarraingt go teach an Ríogh. Ní rabh sé i bhfad go dtáinig cailleach na sgáige móire isteach. Tamall na dhiaidh sin tháinig cailleach na láimhe móire isteach na dhiaidh sin tháinig cailleach na sróine móire isteach(leanann ar an chéad leathanach eile)
- Bailitheoir
- Gráinne Nic Ghloinn
- Inscne
- Baineann