Scoil: Cill Mhic Abaidh, An Léim (uimhir rolla 11245)

Ar an leathanach seo

1. Príomhscéal Chuan Dor (ar lean)

   

   Roinn Roinn Postáil

   (ar lean ón leathanach roimhe)

   agus á stiuriú ar a chúrsa soir. Chuadhar mórán as a gcúrsa, toisc an captaen a bheith sínte, agus in ionad dul ag triall ar an Spáinn 's amhlaidh a thánadar go tír na h-Éireann. Ba chuma leó goidé an tír é ach é shroisint féachaint an bhfaghaidís aon fhuascailt as an gcruadh chás 'na rabhadar, mar bhíodar buailte amach ag an obair agus ar easba codhladhta.

   Isteach go Cuan Dor theas do thanadar, do leagadar na seólta agus do leagadar an t-anncaire uatha i lár an chuain. Chuireadar fios ar muinntir na tíre annsan. D'inniseadar dóibh conus a bhí an scéal acu. Do thug muinntir na tíre ollmhaitheas dóibh i.e. im 's bainne, 's uibhe, cearc agus neithe eile nach iad chun na daoine breóite a leigheaseadh. 'S amhlaidh a fhágaidís istig ar an dtráíg dóibh é, agus do tagaidís, muinntir na luinge, á iarraidh leis an mbád mbeag; ní lobháílfidhe ' d'aoinne acu teacht i dtír leis an droch aicíd a bhí ortha, ar eagla go dtógfadh an muinntir istig é. Do fuair beirt de na daoine breóite bás san áit úd agus cuireadh in Árann Theas iad, oileán íseal atá laistiar de bhéal an Chuain. An triúr slán, do deineadar málaí des na seana sheól agus chuireadar an t-ór agus an t-airgead isteach ionnta, agus do chuireadar i bhfolach fé sgáil na h-oíche iad i bpoll san bhfaill ar an dtaobh thoir de'n cuan i gan fhios d'aoinne beo sa long ach iad féin, le súil go bhfillidís airís ón Spáinn agus go mbeadh sé acu féin agus a

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Seán Ó Donnabháin

   Inscne

   Fireann

   Faisnéiseoir

   Sean Mac Cárthaigh

   Inscne

   Fireann

   Seoladh

   Achadh Tiobraide Mór, Co. Chorcaí