Scoil: An Druim (uimhir rolla 13528)

Suíomh:
An Droim, Co. na Gaillimhe
Múinteoir:
Micheál Ó Concheanainn

Scag na scéalta

Taifeach: Íseal | Ard
An Druim | Bailiúchán na Scol

Tagairt Chartlainne

Bailiúchán na Scol, Imleabhar 0071, Leathanach 056

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Sé lá na n-Amadán an chéád lá d'Aibreán. Bíonn na daoine ag déanamh amadán dá chéile an lá sin. Deireann síad le chéile, "Féách an fear atá ag dul anoir an bóthar". Má bhreathnuigheann aon duine soir tugtar, "Amadán Aibreáin" air. Bíonn na gasúir ag leanacht na sean-daoine ingach uile áit ag iarraidh amadán a dhéanamh díobh.

Bhiodh na daoine ag dul thart fadó agus éadaigh aisteacha orra, lá na nAmadán. Bhídís ag ceól 's ag damhsadh ingach teach dá dteagaidís isteach ann. Bhiodh rópa aca agus í déanta de bhroibh. Chuiridís an rópa timcheall ar chloigeann duine ag rádh go raibh athartha an tinneas cinn ann. Chuiridís an rópa timcheall ar chloigeann chuile dhuine sa teach.

Lá Fhéil Mhic Dara

Tagann lá Fhéil Mhic Dara ar 16adh d'Iúil. Bíonn na daoine ag ól an lá sin. Téigheann na daoine as an áit seo siar ag Cuigéal agus ólann siad pórtar. Bíonn na gasúir ag ithe milseán. Is in onóir do Naomh Mac Dara atá an lá sin. Bhí Naomh Mac Dara ina chomhnuidhe i gCárna. Tá oileán i gCárna agus deirtear gurb é Oileán Mhic Dara é. Téigheann na daoine amach ann ag tabhairt turas. Deir na daoine má bhíonn sé ag báisteach lá roimh lá Fhéil Mhic Dara go mbeidh sé ag báisteach ar feadh dhá fhichid lá.

Teanga
Gaeilge