Scoil: Clochán (uimhir rolla 14987)

Ar an leathanach seo

1. Bóithre an Cheantair (ar lean)

   

   Roinn Roinn Postáil

   (ar lean ón leathanach roimhe)

   Bóthar na mBróig - sin cómhgar atá ag dul o barra an Mhullaigh tré an cnoch go dtí Baile an Lochaigh i mBaile an Fheirteírigh.

   
   An Leacht: sé sin carn cloch atá ag barra an Mhullaigh go bhfuair fear bás in aice leis. Is amhlaidh a bhí an fear bocht ag teacht thar an gcnoc ón Duibhneach go dtí Leitreach agus díreach ag barra an chnuic do thosnuigh an sneactadh agus do cuaidh sé ar bhfoithin. Níor stad an sneachtadh go raibh an fear bocht leataithe aige. Do réir deallramh is amhlaidh a chuaidh sé a' codhladh mar nuair a fuaireadh é an mhaidin na dhiaidh sin bhí sé clúdhaithe nach mór leis an sneachtaidh. Do cuireadh fios ar a mhúintear agus thánadar is bhreitheadar leo abhaile a chorp agus chuireadar é, acht sar a chuadar abhaile do chuireadar carn cloch ag barra an chnuic idtreó is go nabróchadh gach aoinne a gheabhadh thairis paidir le anam an fhir. Ba cheart do gach aoinne a raghadh thar an leacht, cloch do chaitheamh ann agus beannacht dé anamh na marbh agus le anam an duine a cailleadh annso a rádh.

   
   Tá bóthar ag dul ó Mhullach thar an gcnoc go dtí Tighthe na hAbhann sa Duibhneach agus deineadh é sa droch-shaoghal. Do bhíodh fir agus mná ag obair ann ar cuig nó sé pinginí gach lá. B'é an ainm a bhí ar an "Boss" a bhí ortha ná ó Dómhnaill ó Gleann Doimhin, inaice le Campa. Is tré an bóthar sin a thagadh na socraidí fadó a

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. objects
      1. man-made structures
         1. public infrastructure
            1. roads (~2,778)

   Teanga

   Gaeilge

   Bailitheoir

   Cáit Ní Mhuircheartaigh

   Inscne

   Baineann

   Seoladh

   Mullach Bhéal, Co. Kerry

   Faisnéiseoir

   Pádruig Ó Mhuircheartaigh

   Inscne

   Fireann

   Aois

   47

   Seoladh

   Mullach Bhéal, Co. Kerry