Scoil: Cromghlinn (B) (uimhir rolla 12606)
- Suíomh:
- Cromghlinn, Co. na Gaillimhe
- Múinteoir: Seán Ó Donnchadha
Tagairt chartlainne
Bailiúchán na Scol, Imleabhar 0082, Leathanach 201
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Féilí na Bliadhna - Lá 'le Brighde
Micheál de búrca, as Cruimghlinn, aois 12, a sgríobh.
Fad coiscéime an choiligh a bhíonns sa ló, lá 'le Brighde, mar bíonns an lá a' dul chun síneadh. Bíonn go leor cleachtaidh ag na daoine an oidhche roimh lá 'le Brighde. Déanann fear an tighe croisín- 'Crois Brighde' a thugtar air. As adhmad agus tuighe a ndéantar é. Cuirtear dhá phíosa beag de adhmaid treasna ar a chéile agus tiomáintear táirnge ionnta. Sníomhtar tuighe ar an gcrois beag annsin. Crochtar an crois ar na reachtaibh i mbothán na mbó annsin chun na beithidhigh a choingbheál slán ar feadh na bliadhna.Téigheann dreamaí buachaillí thart ó thigh go tigh le 'Brídeoga' an oidhche sin freisin. Íomhaigh beag Naoimh Brighde 'seadh Brídeog. Is as tuighe agus gioblaí a ndéantar é go minic, agus bíonns ceann ag gach dream a théigheann thart. Cuireann na buachaillí sean éadaigh agus púicíní orra agus ní bhíonns fhios ag na daoine cé hiad a bhíonns ann. Bíonns gleas ceoil éicint ag gach dream agus damhasann siad dreas i ngach tigh. Caitheann siad creasa tuighe freisin. Crios Brighde a tugtar ar ceann aca. Tugann na daoine beagán airgid (sé pighne nó trí pighne i ngach tigh), do gach dream, Sa tsean aimsear tugtaoi uibheacha dhóibh.
- Bailitheoir
- Micheál de Búrca
- Inscne
- Fireann
- Aois
- 12
- Seoladh
- Cromghlinn, Co. na Gaillimhe
