School: An Bloscaod Mór

On this page

1. Mac Rí na hÉireann is Iníon Rí na Fraince (continued)

   

   Share Share Post

   (continued from previous page)

   ó'n bhféar, a's bhuail sé air suas éadach na mná. Bhí sé ag imtheacht roimis nú gur shrois sé caladh phort. Chonnaic sé ualach mór boscaodaí 'á gcur ar bórd. Is minic a chonnaic sé na boscaodaí ceadna sa bhFrainnc 'á dhéanamh ag an mnaoi nuair a bhíodh aon díomhaointeas uirthi. D'feach sé ar cheann acu is bhí ainm an bhaile 'n ar deineadh iad, a's litreacha tosnuig a hainme thíos na bhonn. Tháinig scitimíní air mar bhí fhios aige go raibh sí beó pé áit a bhí sí. Chuir sé cúnntas an bhaile ar mháirnéalach.
   "O Dia linn," ars an máirnéalach, "baile fé toirmeasc é sin, is ní théigheann aoinne 'na goir[e]. Níor mhair aon duine iasachta riamh a thug a aghaidh ar an áit sin."
   Chaith sé amhras annsan gur greim éigin a bhí ar a mhnaoi féin ins an áit, a's dhearbhuig sé go gcaillfheadh sé féin an t-anam nú go saorfhadh sé í. Seo chun siúbhail é. Buaileadh isteach sa tig in a raibh sí é. Cheap an tsean bhean istig gur bean óg a bhí tagtha chúiche. Cheistig sé í i dtaobh aon stróinséir a bhí ar an mbaile. Dubhairt an bhean leis go raibh fear ár óstuidheacht aici féin agus go raibh sé thiar i seómra ag déanamh boscaod.

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0400: The Man on a Quest for his Lost Wife

   Language

   Irish

   Informant

   Mícheál Ó Guithín

   Gender

   Male

   Address

   An Blascaod Mór, Co. Kerry