Scoil: Cill an Dísirt (C.) (uimhir rolla 15302)

Ar an leathanach seo

1. An Plá

   

   Roinn Roinn Postáil

   Do chuir riaghaltas Shasana ósbidéil sealadach ar bun ar fuid na tíre i gcóír othar na pláighe. Bhí ceann aca san i gCill-an-Disirt. Is béag go rabhadar lán agus bhí sé ag teipeadh ar na daoinibh i gceannas ortha ionaid d'fhagháíl i gcóir an sluaigh abhí ag teacht chuca. Dá bhrígh sin nuair a fuair duine bás tóadh amach é láithreach agus fáadh inaice an fhalla é taobh istigh de'n osbedéal. Annsan is minic a cuireadh é gan comhra gan aisléine. Deirtear go mbíodh beirt no triúir curtha in gach uaigh agus ní i gcomhnaidhe a cuireadh ins an reilg iad ach in a bhfeirmeacha féin. Sin é an fáth go bhfuill puill doimhne ar a dtugtar puill na pláighe annso agus annsuid ar fuid na tíre.

   Do cuireadh duine abhí an phláígh air isteach san ósbeidéal i gCill-an-Disirt. Do cheap na banaltraí go raibh sé marbh agus do chuireadh an corp amach chun ionad a thabhairt do dhuine beo. Tar éis tamaill bhí fear ag gabháíl thart agus d'airigh sé an duine marbh (mar do cheap sé) ag guilghearán. Do chuaidh sé chuige agus do fhauir sé amach ná duine marbh a bhí ann in-aon-chor ach duine go raibh a chuid cainnte aige. (?) beó agus ní ag moladh na mbanaltraí abhí sé ach a mhalairt.

   Tugadh isteach arís é. Thánaig biseach air agus is fada an lá do mhair sé 'na dhiaidh sin agus is mo sceál d'innis sé mar gheall ar an úathbháach sin. Is fada an la go bhfuil sé imthighthe i Slighe na Firínne anois.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. events
      1. hardship (~1,565)
         1. plagues and epidemics (~104)

   Teanga

   Gaeilge

   Bailitheoir

   Máire Ní Cathasaigh

   Inscne

   Baineann

   Aois

   13

   Seoladh

   Liscormick, Co. Clare