Scoil: An Clochar i gCárna

Ar an leathanach seo

1. Seanscéal

   

   Roinn Roinn Postáil

   Bhí Rí agus Bainrioghan ann fadó. Bhí aon inghean amháin aca. Bhí an bainrioghan ag fagháil bháis. Níor mhaith leis an rí aon bhean eile a phósadh agus níor mhaith léi gan rud eicínt a fhágáil aige. Shín sí chuige fáinne pósta. 'Má phósann tú aríst ar sise fágaim le huachta agat gan sin a dhéanamh ach nuair a bhéas an aois ag ár n-inghean nach mbeidh an fáinne sin ró mhór na ró bheag dí ach oireadh agus is leis an bhfáinne sin a chaithfeas tú an dara bean a phósadh má phósann tú coidhce. 'Ní phosfaidh mé go deo aríst' arsan rí ach níor labhair an bainrioghan focal. Fuair sí bás lá ar na bhárach.
   Cuig bliadhna tar éis sin casadh ban-fhlaith áluinn óg ar an rí agus thug sé grádh agus gean mór dí. Bhí fhios sin ag an inghean agus b'fhios aicí faoi an bhfáinne. Bhí an fainne i dtrunc ag an rí. Lá ar na bhárach bhí an rí imithighte agus chuaidh an inghean suas chuig an trunc, d'fosghail sí é agus thosnuigh sí ag cartú nó go bhfuair sí an fáinne. Chuir sí ar a méir é agus nuair a shíl sí é a bhaintanuas chinn sé uirthí. Bhí sí i gcruadh chás. Ní raibh fhios aice céard a bfhearr dí a dhéanamh agus chuir sí ceirt ar a méir nos nach bhfeicfeash a h-athair an fáinne.
   Nuair a tháinig an t-athair isteach ins an oidhche chonnaic sé an cheirt ar a meir agus d'fhiafruigh sé di céard a bhí air, dubhairt sí gur ghearr sí í 'bain an cheirt dí go bhfeicfeadh mé an gearadh'. Dubhairt sí nach fiú tada é. 'Is cuma sin' a deir sé 'caithfidh tú an cheirt a bhaint dí go bhfeicfeadh mise an gearadh ar fhaitíos go mbeadh sé go dona' a deir sé.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0510: Cinderella and Cap o' Rushes

   Teanga

   Gaeilge

   Bailitheoir

   Áine Ní Maoilchiaráin

   Inscne

   Baineann

   Aois

   15

   Seoladh

   Roisín na Mainiach, Co. na Gaillimhe