Scoil: Corrabha (Curravagh)

Ar an leathanach seo

1. Liosanna (ar lean)

   

   Roinn Roinn Postáil

   (ar lean ón leathanach roimhe)

   uile lá agus oidhche bhíodh na sideoga thart a' caoineadh. Bhí an-imnidhe ar na hoibrightheoirí agus sa deire beigean doibh na clocha a chur arais ar an lios. In a dhiaidh sin bhí suaimhneas is síothcháin aca.

   Bhí fear i mbaile Golagh agus lá amháin bhí adhmad a' teastáil uaidh chun an teine a lasadh. Chonnaic sé crann beag a' fás ar bharr leasa in aice leis. Crann aonar 'a bhí ann agus thug sé leis é. Ón lá a bhain sé é ní fhéádfadh sé dul amach tareis dul fé don ghréin mar bhí na sidheoga ag cur isteach air. Thárla an rud ceadna gach uile tráthnóna agus bhí siad a' chur isteach chomh mór sin air go m'béigean dó glanadh leis thar an sáile go dtí Ameirioca agus fanacht annsin.

   Is minic a chuala na sean daoine an ceol ba bhinne dá gcuala siad ariamh a' thigheacht as an dún agus na sideoga a' gáiridhe. Nuair a thosuigheadh an Sluagh Sidhe ag gáiridhe in dún amháin bhíodh na sideoga ins na dúnta eile dá bhfeagairt. Chonnaic na sean daoine soillsí freisin ar na dúnta agus dubhairt siad gur minic a chuala siad tormán a' teacht as an dún - cosamhail le duine a bhéadh a' déanamh maistreadh.

   Bhí fear san áit seo tráth darbh ainm dó Micheál Ferguson. Tháinig Oidhche Shamhna amháin agus chuaidh sé amach, agus bhí a bean ag ullmhú an bocstaigh i gcóir an t-suipéir. Amach leis agus chuaidh sé go dtí lios a bhí in aice leis. Chuaidh sé isteach air is chuala sé na sideóga a' rádh in árd a ngutha "Tabhair dom capall

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. áit-spás-timpeallacht
      1. áiteanna osnádúrtha agus spioradálta (~158)
         1. ráthanna (~5,616)

   Teanga

   Gaeilge

   Bailitheoir

   Brighid Ní Shiordan

   Inscne

   Baineann

   Seoladh

   Carrick West, Co. an Chabháin