Scoil: Corrabha (Curravagh)

Ar an leathanach seo

1. Carn Cuimhne

   

   Roinn Roinn Postáil

   Níl mórán carn cuimhne thart annseo. Tá ceann amháin ar Shliabh Cailceach agus tógadh é ós cionn duine éigin atá marbh. Bhí fir thart annseo tamall ó shoin agus ní dheachaidh siad ar lóistín cor-ar-bith ach thógadar bothóga de mhálaí agus d'adhmad agus nuair a bhí siad ag imtheacht as an áit thógadar carn cuimhne - ceann ar Shliabh Cailceach áit a raibh na bothóga agus ceann eile díreach ós a chomhair ar Sliabh an Iarainn. Deirtear go raibh ar chumas na bhfear Sasana a fheiceál ón carn cuimhne sin.

   
   Clocha. Tá cloch ana-mhór ar Shlilabh an Iarainn agus shílfeá go bhfeádfá é a leagaint le druim do láimhne mar tá sé in a sheasamh ar choinneál. Tá fuirm láimhe agus cúig méaranna le feiceál ann agus is áluinn an radharc é. Seacht dtonnaí meadhcana atá ann. Deirtear gur chaith fáthach a bhí in Éirinn fadó an chloch mhór sin ó Arigna go Co. An Chabháin agus gur ísligh sé i mbaile ar a dtugtar Gleann-Eolas.
   Sé an fáth go bhfuil fuirm na láimhe ann ná - Rug an fáthach ar an gcloich go daingean le na láimh dheis agus chaith sé é chomh fada uaigh agus bhí ar a chumas. Is breágh an radharc é agus nuair a thagann na laethe breaghtha fada agus teocht a' tSamhraidh thagann na sluaighte daoine ó áiteanna eile agus téighid go bárr an tsléibhe chun an taer folláin a shlogadh

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Brighid Ní Shiordan

   Inscne

   Baineann

   Seoladh

   Carrick West, Co. an Chabháin

   Faisnéiseoir

   Padraig Ó Raghallaigh

   Inscne

   Fireann

   Seoladh

   Garvalt Upper or Gub, Co. an Chabháin