Scoil: Baile Nua, Baile Mhic Cairbre
- Suíomh:
- Cluain na nDamh, Co. Phort Láirge
- Múinteoir: Pádraig Ó Cearbhaill
Tagairt chartlainne
Bailiúchán na Scol, Imleabhar 0656, Leathanach 299
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- An Reilig
Tá ceithre reilige sa pharróiste seo, Cill na mBenéid, Cill Siogán, Cill Ronáin agus an Reilig Nua.
Tá Cill na mBenéid ar an mbóthar go Dúngarbhán timcheall dhá mhíle ó'n scoil. Tá Cill Siogán ar thaobh chnuic ar an dtaobh theas de'n scoil agus tá Cill Ronáin in aice leis an sráidbhaile Cill Manachín. Tá an reilig nua ós chomhair an tséipéil i gCaisleán Ó gCuanach.
Níl aon reilig cruinn sa pharróiste ta gach ceann acu cearnógach. Tá fothrach i gCill Ronáin agus cuirtear daoine sa bhfothrach. Níl aon fhothrach i gCill na mBeinéid na i gCill Siogáin.
Tá Cill Ronáin leibhéalta, tá fána ó theas le Cill na mBenéid agus gabhann an fána ó thuaidh i gCill Siogán.
Tá crainn iubhair agus tuir síor-ghlas i ngach reilig.
Níl aon reiligí diomhaoine sa cheanntair. Tá seana-croiseanna agus sean-thuambaí i gCill Siogan agus Cill Ronáin.
Cuirtear leanbhaí a cailleadh gan baiste i gcúinne na reilige agus uaireanta cuirtear taobh amuigh de'n reilig iad.
Tugtar Cill Clogáín agus Cill Crégán ar Cill Siogáin leis. Tá sean-scéal ag na daoine i dtaobh na reilige.
Seo é an scéal: Ar thaobh an bhóthair in aice leis an droichead iarainn idir Gleann Dá Lachan agus Seipéal na h-Uidhre tá sean-áth ins an abhainn mar a théigheadh daoine treasna fadó. In aice na h-áite ta poll doimhin ar a tugtar "Poll na Sagart".
In aimsir Chromaill bhí beirt sagart darbh ainm dóibh Ó Chréagáin ag teicheadh ós na saighdiúirí. Bhí tuile ins an abhainn agus bhí sé ag cur sneachta agus ní fhaca siad cá raibh siad ag dul. Do thuit siad isteach ins an abhainn ag Poll na(leanann ar an chéad leathanach eile)
