Scoil: Inis Cléire, Dún na Séad

Ar an leathanach seo

1. Scéal (ar lean)

   

   Roinn Roinn Postáil

   (ar lean ón leathanach roimhe)

   í san oidhche, agus á dhúnfá na fuinneóga agus an glas a chuir ar an ndorus, bheadh sí imthighthe ar maidin. Nuair d'eireóchadh muinntear 'a tíghe ngach aon maidin bhíodh sí imthighthe agus ní thiochfhadh sí thar nais go dtí an oidhche.

   Pé sgéal é, tháinig sí isteach oidhche éigin agus bhí fear ó Cnocán-na-Caoíthigh istigh, darab ainm Ciarán Ó Ríogáin, agus bhí sé ag sguraidheacht, agus dúbhairt sé go raibh sé ag fághailt déanach, agus go gcaithfeadh sé dul abhaile, mar go mbeadh am leabhaidh ann, san am go sroisfeadh sé an baile. Dúbhairt sí leis fanamhaint go fóil, mar go raibh dhá dhream síofraidhe amuich, go raibh aon dream amháin imthighthe, agus go raibh an dream is measa ag teacht. Dúbhairt an fear léi ná bí ar magadh anois níl a leithéid ann in-aon-chor. Annsan cuaidh an fear suas go dtí an teine agus do thóg sé fód móna a bhí ar lasadh, agus do chuir sé anuas ar ursal é. Annsan d'imthig sé amach an dorus agus an fód móna ina láimh aige. agus d'fhág sé slán ag muinntear a'tíghe. Nuair a bhí sé ag dul o thuaidh tré "Gort Maoláin" do bhuail sé cínn do lucha móra bána leis. D'imthig sé thársa amach agus d'imthig sé abhaile go slán, sábháltha agus ní fheacha sé go deó ina dhiaidh sin iad.

   Bhailig:

   Proinséas De Búrca,
   Trá Cíaráin
   Inis Cléire

   Fuaireas ó:

   Seán Ó Ríogáin
   Cnocán-na-Caoithig
   Inis Cléire

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Proinséas de Búrca

   Inscne

   Fireann

   Seoladh

   Trá Chiaráin, Co. Chorcaí

   Faisnéiseoir

   Seán Ó Ríogáin

   Inscne

   Fireann

   Aois

   60

   Seoladh

   Cnocán an Choimhthigh, Co. Chorcaí