School: Inis Cléire, Dún na Séad

On this page

1. Leanaí Leán Gós

   

   Share Share Post

   Bhí bean an an mbaile seo fadó agus bhí beirt leanbh aici agus bhídis ag gol is a gráigealaig i gcómhnuidhe agus ní sháiseóchad an domhan go léir iad. Do bhí an bhean ana bhocht agus ní bhíodh aon bhainne aici ac mar a théigheadh sí ó thig go tig ag lorg braoinín dóibh gach lá. San am san bhíodh go leór bacaig a' gabháil tímpal a' lorg a' ndéirce.
   Tug léan bheith istig de dhuine des na bhacaig seo oidhche. D'eirig sí ar maidin agus chuaidh amach a solathár rud éigin i gcóir breacfast na leanbh agus d'fhág sí an bacach 'na chodladh ar an suidheachán. Is amhlaidh mar a bhí sé ag an mbacach, bhí sé idir a chodhladh is a dhúiseacht. Ni raibh na sála thar táirsig aige leán nuair léim duine des na leanbhaí amach as an gcliabhán agus chuir a lámh fén ndíon ar bharra an fhalla agus tharraing anuas seana dhúda chuige féin. Do dhearguig sé bastún sa teine agus dhearguig sé a phíopa leis. Nuair a bhí a dhóthain óltha aige do shín sé chun a dhritheár é. Bhí an bacach á dtabhairt fe ndeára go géar agus chonnuic sé, nuair airigheadar coiscéim a máthar ar an dtáirsig airís - gur chuireadar an píopa i bhfollach fén ndíon mar a raibh sé sul ar fhág sí iad agus d'fhaísgeadar ar bhéicig airís.
   Pé nídh a thug sí léi bhí sí chun é thabhairt le n-ithe nú le n-ól dóibh nuair a stop an bacac í, agus dubhairt sé léi leagaint dóibh go fóil go mbeadh sé féin ullamh. Tharraing sé chuige boltha a bhí leis an iarta agus chuir a cheann sa teine agus d'fhag sé ann é

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Collector

   Cait Ní Drisceóil

   Gender

   Female

   Address

   Comalán, Co. Chorcaí

   Informant

   Mícheál C. Ó Drisceóil

   Gender

   Male

   Age

   56

   Address

   Comalán, Co. Chorcaí