Scoil: Tulca (uimhir rolla 1396)

Ar an leathanach seo

1. Scéalta mar Gheall ar na Daoine Maithe (ar lean)

   

   Roinn Roinn Postáil

   (ar lean ón leathanach roimhe)

   Sgéal eile

   Tá fear ina chómhnuidhe ceathrú míle óm thigh-se agus bhí tigh nuadh ghá dhéanamh aige blia[i]n ó shoin. Aon oidhche amháin agus é sínte sa leabaidh gan néal (néalt sa lámhscríbhinn) codlata air d'airigh sé an fothram go léir timcheall an tighe. Ba dhóigh le duine go raibh clocha móra agus búird ag tuitim ins gach áit agus do chuir an fothram mínádúr[th]a eagla air. Chuardaigh sé an áit maidean i mbáireach, d'iniúch sé go cruinn é acht bhí gach aon rud mar d'fhágadar iad - é féin, an saor, agus an fear oibre. Seachtmhain nú mar seo tar éis an ama san d'airigh sé gur éag a dhriotháir in Americá.

   Oidhche eile bhí an fear céadna ag dul abhaile ón "gCeaintín", baile beag i mBunán agus ceathrú míle óm thigh-se. Chonnaic sé bean bhreágh ard agus gúna bán uirthi i lár an bhóthair roimis. Chuir sí scannradh agus sgeoin air, acht taobh istigh de mhí fuair sé leitir ó Americá á rádh go bhfuair a áintín bás an oidhche go bhfeaca sé an bhean ar an mbóthar.

   Ó Shán Ó Súilleabháin (48 bl.), Gort na gCapall, Bunán.

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhairí (~1)
      1. neacha neamhshaolta agus osnádúrtha (~14,864)

   Teanga

   Gaeilge

   Faisnéiseoir

   Seán Ó Súilleabháin

   Inscne

   Fireann

   Aois

   48

   Seoladh

   Gort na gCapall, Co. Chiarraí