1. dúchas.ie
  2. Bailiúchán na Scol
  3. Mín Árd

Scoil: Mín Árd

Suíomh:
An Mhin Aird Bhuí, Co. Chiarraí
Múinteoir:
Ml. Ó Caomháin
Brabhsáil
Modh:
Bailiúchán na Scol, Imleabhar 0426, Leathanach 447

Tagairt chartlainne

Bailiúchán na Scol, Imleabhar 0426, Leathanach 447

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: Mín Árd
  2. XML Leathanach 447
  3. XML “Siobhán na nGeimhleach”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. Siobhán na nGeimhleach (ar lean)

    Roinn Roinn Postáil
    (ar lean ón leathanach roimhe)
    h-inghean ag crú na mba ar an mbuaile. Do bheannuig sé dóibh agus d'fhan sé tamaillín ag cabhrú leo. Thuit an inghean i ngrádh leis láithreach agus ba bhrideadh chroidhe di é d'fheiscint ag imeacht. Thug sé aghaidh ar na Rossa(Rosbay), as san go Cromán agus stad níor dhein sé gur shrois sé an Barra (an sruth nuair a bhíonn an taoide tráighte, idir na bainnc agus Oileán Ínse). Bhí an abha mór leathan roimis. Bhí sé ag smaoineamh agus ag cuimhneamh cad a dhéanfadh sé nuair a bhraith sé an cailín óg taobh thiar de. D'fhiafruig sé dhi cad a bhí uaithe agus dubhairt sí go raibh sí ag imtheacht leis. Cómhairligh sé di gan déanamh, go raibh an tóir 'na dhiaidh féin agus ná raibh ach an aindeis indán do. D'innis sí dho an grádh a bhí aici dho. Níor dhein sé ach í bhualadh ar a dhrom agus shnáimh sé an canáil is thánadar isteach go hOileán Ínse. Shiubhladar leo agus stad níor dheineadar gur bhaineadar amach Ceann Árd i bPar. Liospóil. Cheap sé ná raibh aon áit chómh h-iargcúltha leis an mbaile sin agus go mbeadh sé sábhalta ann. Bhí an fhiadhach 'na dhiaidh i gcómhnuidhe agus sa deire fuairtheas amach é. Bhí sé teanntuithe. Dubhairt an Captaen leis ná raibh aon bhreith aige ar a anam a thabhairt leis ach chómh beag le léimridh thar barra na binne(binn tighe) ansan. "An scaoilfear liom má léimim thairis " ars an fear óg. "Scaoilfear," ars an Captaen. Dhruid sé amach ó bhinn an tighe, thóg sé fáscadh rithid agus chuaidh sé de léim thar barra na binne. "Seadh," ar m'onóir, ars an captaen, ní raghaidh mé indiaidh m'fhocail, bíodh cead do chos agat choidhche." Mhair sé féin agus a bhean go sona sásta an chuid eile d'á saoghal agus bhí muirear mór ortha.
    Mícheál Ó Cinnéide,(70bl)
    Na Dúnta,
    Liospóil.
    Féach leathanach 145 - thuille mar gheall ar Shiobhán na nGeimhleach.
    Tras-scríofa ag duine dár meitheal tras-scríbhneoirí deonacha.
    Stair Athraigh
    Teanga
    Gaeilge
    Faisnéiseoir
    Mícheál Ó Cinnéide
    Inscne
    Fireann
    Aois
    70
    Seoladh
    Na Dúnta Thoir, Co. Chiarraí