Scoil: An Tor

Ar an leathanach seo

1. Scéal Sheáin Amaideach

   

   Roinn Roinn Postáil

   Bhí gasúr ann aon uair amháin. Bhí sé ná chomhnuidhe ag a mháthair. Ní raibh cleachtughadh aige a dhath oibre a dhéanamh. Bhí a mháthair iongantach bocht agus chá raibh a dhath aicí lé h-ithe. Dubhairt sé le na mháthair lá amháin go raibh sé ag gabhail a dh'obair agus go mbéadh siad saibhir go fóill.
   Seán a bhí ar an ghasúr seo, chuaidh sé a dh'obair an lá sin. (?) an tráthnóna fuair sé pinghinn, thug sé leis ina láimh í, agus chaill sé í.
   D'innis sé dó ná mháthair caidé d'éirigh dó, agus dubhairt sí leis gur cheart dó an phinghinn a chur ina phóca. Dubhairt sé go ndéanfadh sé sin an dara h-uair.
   An dara lá bhí sé ag obair agus fuair sé pigín bainne ; chuir sé ina phóca é agus dhóirt sé é. Dubhairt a mháthair leis gur cheart dó an pigín a thabhairt leis ar a cheann, agus greim a chongbhail air lé ná dhá láimh. Dubhairt Seán go ndéanfadh sé sin an dara lá.
   An dara lá bhí sé ag obair fuair sé cat, agus chuir sé an cat ar a chionn. Scríob agus stróc an cat é agus bhí an fhuil ag rith ina shúilibh. Seo an rud a d'iarr mo mháthair orm a dhéanamh ar seisean.
   Nuair a tháinig 'un a bhaile, bhí sé uilig stróctha ag an chat. Dubhairt a mháthair leis gur cheart dó córda chur ar an chat agus é tharraingt ina dhiaidh.
   Dubhairt seisean go ndéanfadh sé sin an dara lá. An dara lá bhí sé ag obair ag búisteoir, agus thug an búisteoir píosa mór feola dó. Chuir sé córda ar an fheoil agus tharraing na dhiaidh í. Nuair a tháinig sé ná bhaile, d'innis sé dó ná mháthair go raibh feoil leis chuicí. Bhí lúthgháir mhór ar a mháthair nuair a chuala sí go raibh feoil leis, nó bfada a bhí sé roimhe ó d'ith sí a dhath feola. Acht bhí an fheoil chomh salach sin gurbh éigin dí a caitheadh amach. Dubhairt a mháthair leis gur cheart dó an fheoil a chur ar a dhruim. Dubhairt Seán go ndéanfadh sé sin an dara lá.
   An dara lá bhí sé ag obair fuair sé asal, agus chuir sé ar a dhruim í. Seo an rud a d'iarr mó mháthair orm a dhéanamh ar seisean. Bhí sé ag gabhail thart ag

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT1696: “What Should I have Said (Done)?”

   Teanga

   Gaeilge

   Bailitheoir

   Caitlín Ní Dhubhgáin

   Inscne

   Baineann

   Faisnéiseoir

   Padruig 'Ac Gallchobhair

   Inscne

   Fireann