Scoil: Áird Mhór, Eóchaill (uimhir rolla 3858)

Ar an leathanach seo

1. Uan na Caorach Glaise (ar lean)

   

   Roinn Roinn Postáil

   (ar lean ón leathanach roimhe)

   siúl leat agus teapánfaidh mé an áit duit. Níor theastaigh ón bhfeirmeoir imeacht ar dtúis shíl sé gur a' magach a bhí sé ach sa deire d'imigh sé leis. Dúirt an buachaill gur bhfearra lampa nó lochran solais a bhreith leo gur fearr an radharc a bheadh aca ar an áit shíos. Bhí go maith agus ní raibh go h-olc. Gluaiseadar leo agus ba ghairid an mhoill aotha an áit a aimsiú. D'fheachadar araon ar an áit shíos agus deallraigh sé dóibh é bheith i bhfad síos uata ach fuaireadar radharc ar na bánta 's ar na caoire. Dheineadar machnamh ar feadh tamaill féachaint conas a bhfaighidís dul ag triall ortha. Dúirt an feirmeoir go raghaidís abhaile agus go ndeinidís réiteach ar an scéal fé mhaidin. Sé rud a cheapadar ná dréimirí agus téadacha d'fháil chun tabhairt fén áit shíos. Thugadar leo na guirléidí agus roinnt conganta lá ar na mháireach. Ceanglíadar téad mór a bhí aca le dréimire. Bhí greim ag an dream eile ar an dtéad agus bhíodar ag scaoiuleadh leis suim gan áireamh mar a shíleadar go dtí gur srois sé an áit síos i ndeire na scriobhadh.
   Luigh an fear síos ortha ansan go raibh sé ag cionn conaire fé slán agus fé mhaise agus d'iarr sé ar fear an tighe chuige. Do chuaidh an feirmeoir síos agus do leath an radharc ortha araon nuair a chonaiceadar áilneacht na h-áite. Dúradar lena chéile go bhféachadís mór thimpeall na h-áite ós rud é go rabhadar ann. Bh na mílte acra talmhan ann de thalamh breá féir glas agus sruthán beag ag rith tré lár na talmhan. Níor bhfada gur airigeadar ceol caoin cneasta ar an dtaobh eile den sruthán

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Micheál Ó Concubhair

   Gaol

   Duine neamhghaolta

   Inscne

   Fireann

   Seoladh

   Baile na Moiltineach, Co. Phort Láirge