Scoil: Baile Mhúirne (C.) (uimhir rolla 15347)

Ar an leathanach seo

1. Gobnait an Tae

   

   Roinn Roinn Postáil

   Gobnait an Tae
   Fadó nuair a tháining an tae ar dtúis ní raibh aoinne ábalta ar é dhéanamh i gciarraidhe ach 'Gobnait na gcearc' leas-ainm ab'eadh é sin uirthe. Do fuair duine éigin púnt tae agus do chuireadar fios ar Ghobnait chun é a dhéanamh.
   Tháinig sí agus nig sí corcán mor agus do líon sí le h-uisge é agus chaith sí an púnt tae isteach ann agus do bheirbhig sé é, ansan do chaith sí isteach buicéad bláthach agus bhí sean-duine sa cúinne agus bhí bata aige agus rug sí ar an mbata eo uaidh agus do corruigh sí an tae leis agus an bláathach agus an t-uisge le chéile agus ba ghearr gur deineadh gruth agus meidhg do agus bhí córcaí sa ghruth a cheangalóeadh gamhain no caoire.
   Nuair a bhí sé beirbhighthe go maith aici, do thóg sí amach é agus thug sí báisín de do gach duine acu agus d'óladar go breágh é agus fuair cuid acu báisín eile agus bhí Gobnait ana-mhordálach inte féin tar-éis báisín de a ól de féin fuair Gobnait a clócha agus d'imigh sí léi abhaile.
   Ar maidin lár na mháireach nuair a bhí an sean-duine chun éirighe ní fhéadfhadh sé corraighe agus do bhí fearg (air) chun Gobnait mar cheap sé go raibh sí tar-éis nimh a thabhairt do, bhí an méid sin tinnis air agus bhíodh sé 'á rádh leis féinig go minic ar feadh an lae:-

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Seán Ua Loinsigh

   Inscne

   Fireann

   Aois

   83

   Gairm bheatha

   Feirmeoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Doire na Sagart, Co. Cork