School: An Bloscaod Mór

On this page

1. Mac Rí na hÉireann is Iníon Rí na Fraince (continued)

   

   Share Share Post

   (continued from previous page)

   Siúd leó go dtí cúirt an Rí. Bhí cách na chodhladh. Isteach le beirt acu tríd an bhfuinneóig agus sháthadar biorán suain i mac an rí a bhí 'na codhla. Bhí sé 'na chnap acu. D'árduigheadar leó é go dtí grianán codhladhta inghean rí na Frainnce. Shíneadar leas-muigh di sa leabaidh é. Dhúisig sí. Phrioc sí é ach ní raibh dul air a dhúiseacht. Bhí speabhraidí air. Le fáinne a laé sciobadar as an leabaidh é agus d'árduigheadar leó go h-Éirinn é.
   Lá'r na mháireach nuair d'eirig sí bhí an-athrú uirthi. Níor stad sí ach ag cainnt ar an bhfear breágh a chonnaic sí. Ach ní raibh sé le fághail ins an ríoghacht a's b'sin é an clampar. Bhí sí ag dul in olcas agus breóidhteacht throm ag teacht uirthi. D'imir na sidheóga an cleas ceadhna uirthi féin. D'árduigheadar leó go hÉirinn í, a's thuit mac an Rí i searc a's i síor grádh léi. Bhí an bheirt annsan a's ba chúis truaigh iad, grádh acu d'á chéile a's gan a fhios acu cá bhfaighdís an scéal a réidhteach. Muinntir na beirte a's iad ciapaighthe acu, a's a leigheas ag dul do dhraoithe is do dhochtúirí.
   Ach bhí an rún ag an bpeidléir bán. Nuair a shrois sé críocha an Rí bhí sé ag éisteacht le gach scéal nua is sean scéal. Chuala sé go raibh mac an Rí in a luighe fé ghalar gan leigheas.

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0400: The Man on a Quest for his Lost Wife

   Language

   Irish

   Informant

   Mícheál Ó Guithín

   Gender

   Male

   Address

   An Blascaod Mór, Co. Kerry