School: An Bloscaod Mór

On this page

1. Bean an Leasa (continued)

   

   Share Share Post

   (continued from previous page)

   agus chuaidh mac na baintríghe ag feachaint ortha. Buachaill breágh faghartha ab' eadh é, agus b'siúd leis ag tógaint gach cómhgair treasna na gcladhthach agus tré sna páirceanna. Ghaibh sé tríd an lios ar an dturas do, agus níor mhór an nath a chuir sé innte mar bhí sé misneamhail neamh-eaglach.
   T'réis teacht abhaile ó's na ráiseanna do'n mbuachaill bhuail pian trom 'na chois é agus ní raibh lúth ná tapa in aon phioc d'á corp d'á dheascaibh. Bhí breoidhteacht trom air. D'imthig an mhathair go dtí sna dochtúirí agus thug sí chuige gach duine acu d'á raibh san áit. Chuaidh sí go dtí gach bean leighis agus níor fhág sí luibh ná leigheas gan triail leis an mbuachaill agus mar sin féin níorbh aon mhaitheas é, mar ní leighisfeadh faic é. Ní fheadair sí cad ba cheart di a dheanamh. Bhí sí ag cur 's ag cúiteamh ina haigne féin agus gan réidhteach le fághail aici. Siúd chúiche an cailín aimsire lá agus ars í "Ó nach cuimhin leat bean an leasa gur thugais an stán mine di? Ná fuileann tú i gcruadhchás anois a mháighistreas ach ní fheadarais ná go ndeanfhadh sí rud éicin duit."
   Preab croidhe na mná le háthas mar bhí dearmad deanta aici ar bhean an leasa agus ar a geallúint.

   (continues on next page)

   

   Transcribed by a member of our volunteer transcription project.

   History Edit

   Language

   Irish

   Informant

   Micheál Ó Céarna

   Gender

   Male