1. dúchas.ie
  2. Bailiúchán na Scol
  3. An Clochar i gCárna

Scoil: An Clochar i gCárna

Suíomh:
Carna, Co. Galway
Múinteoir:
Siúracha na Trócaire
Brabhsáil
Modh:
Bailiúchán na Scol, Imleabhar 0011, Leathanach 379

Tagairt chartlainne

Bailiúchán na Scol, Imleabhar 0011, Leathanach 379

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: An Clochar i gCárna
  2. XML Leathanach 379
  3. XML “Na Fataí”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. Na Fataí

    Roinn Roinn Postáil
    Cuireann muid na fataí sa bhaile gach bliain. Sé m'athair agus mo dhearbhráthaireacha a ullmhuigheann an talamh 'na gcóir. Cuirtear aoileach mar leasú ar an talamh roimh ré. Tarraingtear an t-aoileach le carr agus asal agus sgarann na fir ar an talamh é. Is i n-iomairí is mó a chuireann na daoine na fataí mór-thimcheall mo cheanntair. Is le láighe a chuirtear na fataí ach chuiridís fadó iad le céachta. Ní úsáidtear aon chéachtaí adhmaid anois fá láthair. Ní dhéantar na láigheanna sa n-áit ach is amhlaoidh a cheannuigheann na daoine an t-iarann agus an feac agus cuireann siad an feac san iarrann. Bíonn na fataí i dtaisge ag na daoine ar feadh tamaill agus annsin baineann siad na bachlógaí dhíobh i dtreo go bhfeice siad cá bhfuil an t-súil air le n-aghaidh na sgiolláin a ghearradh as.
    An chuid de'n fhata atá fágtha glaodhtar logan air agus bruithtear na logain le h-aghaidh muc agus beithidheach. Sgarann na mná an chuid is mó de na sgiolláin mar ní fhághann siad móran trioblóid uatha. Ar dtús déanann an fear poll ins an iomaire agus annsin téigheann na mná thart agus mála aca agus é lán le sgiolláin agus sáidheann siad isteach ins na puill iad agus clúduigheann siad le cré iad. Cabhruigheann na comharsain go léir le chéile ag cur na bhfataí agus glaodhtar 'meithil' ar an lá a bhíonn siad go léir le chéile. Ní ghlacann na daoine aon airgead ar obair an lae sin. Bíonn na daoine ag tabhairt aire mhaith do na fataí ar fhaitchíos go dtiocfadh beithidhigh agus go scriosfadh siad iad. Cuireann siad a lán cré leis na fataí agus cuireann siad aith-chré ortha tar éis tamaill agus tugtar
    (leanann ar an chéad leathanach eile)
    Tras-scríofa ag duine dár meitheal tras-scríbhneoirí deonacha.
    Stair Athraigh
    Topaicí
    1. activities
      1. economic activities
        1. agriculture (~2,659)
          1. potatoes (~2,701)
    Teanga
    Gaeilge
    Bailitheoir
    Nóra Nic an Iomaire
    Inscne
    Baineann
    Aois
    14
    Seoladh
    An Coillín, Co. Galway