Bhí fear ann uair agus bhí sé na chomhnuidhe amuigh ins na cnuic. Bhí a athair agus a mháthair beo agus bhí seisean istigh ag tabhairt aire dóbhtha. Bhí siad iongantach bocht agus théidheadh an stóchach amach achan oidhche agus ghoideadh sé caora fá choinne an t-athair agus an mháthair a chongbhail beo. Fá dheireadh, d'éirigh siad comh lag agus nach rabh siad ábalta siubhal agus bhí eagla air go dtuitfeadh siad sa teinidh. Ní rabh mórán faill aige annsin an chuid mhór gaduidheachta a dheánamh. Rinn sé smaoiteadh agus fuair sé léighead ar an sgéal. Rinn sé dhá chliabhan dóbhtha agus chuir sé an t-athair i gceann acu agus an mháthair ins an cheann eile agus d'fhág sé ceann ar gach taoibh de'n teinidh. Annsin cheangail sé