School: Mín na Mánrach

On this page

1. Ceathrar Mac Rí na hÉireann (continued)

   

   Share Share Post

   (continued from previous page)

   ar loch a bhí ann agus gunna leis faoi n-a ascaill. Chuir sé ceist ar mhac an ríogh goidé bhí sé a dh’iarraidh. Dubhairt seisean leis go raibh sé a dh’iarraidh fastóidh. “Fan,” arsa’n fear, agus nuair a scaoilfeas mise na lachain fhiadhain atá ar an loch sin thíos dheánfaidh mé tú a fhastódh”
   chuaidh sé síos go dtí an loch agus scaoil sé na lachain le haon urchar amháin. Annsin thainic sé aníos agus chuir ceist ar an óganach goidé ‘n tuarastal a bhí sé a dh’iarraidh. Dubhairt seisean gur fiche punt agus culaith éadaigh fa chionn bliadhna agus lae. Dubhairt fear a’ ghunna nach dtabharfadh sé sin do, “ach bheirfidh mé deich bpunta duit agus posta – tú bheith d’fhear gunna is fearr ar a’ domhan.” Dubhairt an stócach go ndeánfadh sin gnaithe agus d’imthigh sé leis an fhear.
   Ní theachaidh an tríomhadh fear i bhfad gur casadh fear do agus a chluas leis an a’ talamh aige agus é ag éisteacht. D’fhiafruigh sé don ghasúr goidé bhí sé a dh’iarraidh. Dubhairt a’ gasúr go raibh sé a dh’iarraidh fastóidh. “Bidh do thost bomaite,” arsa ‘n fear, “tá dhá choileach a’ troid thall sa Fhrainnc go bhfeicidh mé cé’n coileach a bhainfeas” fa cionn tamaill labhair fear a’ fis arais agus dubhairt sé go raibh an troid thart. Annsin chuir sé ceist ar an ghasúr goidé ‘n tuarastal a bhí sé a dh’iarraidh. Dubhairt an gasúr gur

   (continues on next page)

   

   Transcribed by a member of our volunteer transcription project.

   History Edit

   Folktales index

   AT0653: The Four Skillful Brothers

   Language

   Irish

   Informant

   Paidí Ac Cumhaill

   Gender

   Male

   Age

   60

   Address

   Bun an Bhaic, Co. Donegal