Scoil: Leitir (uimhir rolla 15668)

Ar an leathanach seo

1. Scéal

   

   Roinn Roinn Postáil

   Sgéul

   Duine do’n treibh Conallach dob eadh Seán Ó Conaill – go dtugtaoí mar leas ainm “Seán na Buile” air. Bhí cion ceathráir do gnáth aicíd Éireannaigh ar iomchur ag Seán dob’é sin “dúil a chait” san ólachán. Fóróir ní raibh sé de gustal ar Seán a thart a shásamh go minic, ní lúgha ná bhí sé ar a chumas ghnó aonaigh fhagháil ach go fíor annamh mar ná raibh aige ach feur aon bhó amháin, agus cúpla caora ar an gcnoch.
   Lá dos laetheanta do chuimhnigh sé a chleas a thabarfhadh ghnó aonaigh do, agus do chuirfheadh máthair a chéile bun os cionn le h-asachán an máthair-chéile úd fadó, adubhairt “gur beag uirthi gaige gan éifeacht a raghadh go dtí an t-aonach gen ghnó.
   Bé an chleas é ná an reithe a bhreith go dtí an t-aonach, agus an oiread fiacha a lorg air agus ná chuimneóch aon cheannuightheóir ar é a cheannach.
   Do theip ar a bhean cosg a chuir leis, cé gur spreag sí go gunta, cruinn cialmhar do go raibh an lomra ais-eamhail chun balcais a chuir ar na paisdí, agus air éirighe na gréine lá an aonaigh d’árduigh Seán an reithe leis ar ar bhraighdeáin fé dhéin an aonaigh.
   Ní nárbh ionghnadh níor chuaidh an rab ar malairt láimhe. Ar mhaolú na gréine tráthnóna, do thugadar araon aghaidh ar an mbaile – an reithe a siolartaig leis an ocras, agus Seán súghach go maith.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Bailitheoir

   Siobhán Ní Curnáin

   Inscne

   Baineann

   Faisnéiseoir

   Siobhán Bean Uí Curnáin

   Inscne

   Baineann

   Aois

   50

   Seoladh

   An Caol Dubh Uachtarach, Co. Chiarraí