Scoil: Naomh Séamus (Freeport)

Ar an leathanach seo

1. Scéal

   

   Roinn Roinn Postáil

   Bhí fear agus a bhean in-a gcomhnuidhe i dteach uair amháin. Bhí an bhean ag obair taobh istigh agus bhí an fear ag obair taobh amuigh. Tháinic leisge ar an bhfear. Dubhairt sé go ndeanfadh sé an obair a bhí le deanamh taobh istigh agus í féin a dhul amach ag obair. Rinneadh amhlaidh dubhairt sé léithe an féar a bhaint, agus dubhairt sise leis go raibh dhá chuinneoig bláthach le déanamh, agus pota leitean le bruith agus an féar a bhí ag fás ar bharr an tighe a bhaint agus é a tabhairt do'n bhuin. Chuaidh an bean amach agus thosuigh an fear ag déanamh an bláthac. Annsin chuaidh sé go dtí an tobar i gcoinne uisge. Nuair a bhí sé imthighthe dhoirt an cráin é agus d'ól sí é.
   Annsin thosuigh sé ag déanamh an chuid eile de. Nuair a bhí sé ag dul ag an tobar an t-am seo, dubhairt sé leis féin nach ndoirtfeadh an cráin é agus thug sé leis ar a dhruim é. Nuair a bhí sé ag tógailt an uisge thuit an chuinneog isteach ins an tobar. Chuaidh sé abhaile go brónach.
   Bhí sé ró leisgeamhail leis an bhféar a bhaint. Cheap sé go mbeadh sé níos fearr leis an mbuin a chur suas air, agus rinne sé é. Shíl sé annsin go dtuitfeadh sé agus chuir sé rópa ar a bolg. Chuir sé an rópa síos tríd an simléir agus ceangail sé dhá cos féin é. Thosuigh sé ag déanamh an leitean. Nuair a bhí sé bruithte, chas sé le spúnóig é. Annsin léim an bhó síos ar an talamh taobh amuigh agus tharraing sí an fear suas an

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT1408: The Man who Does his Wife's Work

   Teanga

   Gaeilge

   Faisnéiseoir

   Peadar Ó Congaile

   Inscne

   Fireann

   Aois

   48

   Gairm bheatha

   Feirmeoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   An Cheapach, Co. na Gaillimhe