Scoil: Naomh Séamus (Freeport)

Ar an leathanach seo

1. Scéal

   

   Roinn Roinn Postáil

   Bhí fear ann agus bhí sé ar a bhealach go Gaillimh. Thuit an oidhche air agus chuaidh sé isteach i dteach ósta le h- aghaidh lóistín na h- oídhche a fhághail. Teach é seo do bíodh go leor (daine) daoine ag fanacht ann nuair a bhíodh siad ar a mbealach go go Gaillimh. Chuir sé an capall sa stábla. Bhí sé féin ag fághail réidh le dhul a chodhladh. Bhí madadh aige sa mbaile agus d'imthigh sé uaidh. Nuair a chuaidh sé isteach sa seomra bhí sé roimhe. Nuair a bhí sé réidh le dhul isteach sa leabha, do léim an mada isteach roimhe.
   Sórt leabhadh é seo a bhí ós cionn abhann agus nuair a théigheadh na daoine isteach ann chasfadh sé thart timceall agus baitheadh iad san abhainn. Nuair a chuaidh an madadh isteach san leabhaidh do cas sé thart agus thuit an madadh isteach san abhainn acht do léim sé aníos aríst. Nuair a chonnaic an fear é seo chuir sé air a chuid éadaigh agus chuaidh sé síos go dtí an cistinneach. Nuair a chuala fear an tíghe é. D'iarr sé air céard a bhí air. Dubhairt an fear go raibh sé ag dul ag breathnughadh ar a chapall. Chuaidh sé abhaile agus d'innis sé an sgéal do na daoine agus ní dheachadh aoinne ann níos mó.

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Teanga

   Gaeilge

   Faisnéiseoir

   Máirtín Ó Fáthartaigh

   Inscne

   Fireann

   Aois

   70

   Gairm bheatha

   Feirmeoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Baile an Mhóinín Thiar, Co. na Gaillimhe