Scoil: Doireadh (uimhir rolla 12946)

Ar an leathanach seo

1. Seán Buí Búrca (ar lean)

   

   Roinn Roinn Postáil

   (ar lean ón leathanach roimhe)

   imirt chártaí agus ní thagadh sé abhaile aon oidhche go mbíodh sé an dó-dhéag. Bhí gleann ann a raibh sgeach mhór árd ann agus bhíodh sé ráidhte go mbíodh triúr ban faoi bhun na sgeiche seo agus go mbíodh siad lé feiceál ann ins an oidhche. Bhí Seán ag teacht abhaile an oidhche seo taca an dó-dhéag agus dubhairt sé leis fhéin nach gcómhnóchadh agus nach stadfadh sé go bhfuigheadh sé amach an [?< na] triúr ban.
   Chuaidh sé isteach go dtí an sgeach agus cé d'fheicfeadh sé acht an triúr ban na suidhe faoi bhun na sgeiche. D'orduigh siad dó suidhe agus thug bean aca an píopa dhó lé caitheamh. Chaith sé an píopa agus nuair a bhí sé caithte aige dubhairt bean aca leis go gcaithfead sé dul a chodhladh in aoinfeacht léithe féin an oidhche sin. Chuaidh sé a chodhladh in aoinfheacht léithe agus faoi cheann tamaill d'eirigh sí agus dubhairt an darna ceann go gcaithfeadh sé dul a chodhladh in aoinfeacht léithe féin freisin. Chuaidh sé i chodhladh in aoinfeacht léithe agus faoi cheann tamaill d'eirigh sí agus b'éigin dó dul a chodhladh leis an tríomhadh bean. "Is fear gan fuacht gan faithchíos thú a Sheáin Bhuidhe Búrca" dubhradar leis. Leigeadar cead dó imtheacht annsin abhaile.
   Bhí sé amuigh aríst an chéad oidhche eile agus bhí sé ag teacht abhaile agus casadh fear dó agus é ag iomchur cónra. Dubhairt sé leis fhéin gur mhór an náire dhó muna dtiubharfadh sé conghnamh

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Topaicí

   1. gníomhairí (~1)
      1. neacha neamhshaolta agus osnádúrtha (~14,864)

   Teanga

   Gaeilge

   Faisnéiseoir

   Peadar Ó Briain

   Inscne

   Fireann

   Aois

   60

   Gairm bheatha

   Feirmeoir (Léirítear teidil na ngairmeacha i mBailiúchán na Scol sa bhunteanga inar cláraíodh iad)

   Seoladh

   Cladhnach, Co. na Gaillimhe