Scoil: Rusgaigh (2) (uimhir rolla 10949)
- Suíomh:
- Rúscaigh, Co. Mhaigh Eo
- Múinteoir: Eibhlín Ní Chorraidhe
Tagairt chartlainne
Bailiúchán na Scol, Imleabhar 0108, Leathanach 147
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)22. Is lia gach othar tar éis a leighis. Ceapann duine a bhí tinn agus faoi chúram an dochtúra go bhfuil oiread eolais ar thinneas is galar aige féin anois is atá ag an dochtúir.23. I dtosach na haicíde ná bí mall; níl brí sa luibh nach bhfaightear in am. Nuair a thagann tinneas ar dhuine is ceart féachaint le leigheas a chur air a thúisce is a thugtar faoi deara an galar, mar go minic ní bhíonn leigheas ar bith don ghalar ar ligeadh dó fás agus láidriú sa duine.24. Cailín ag Mór agus Mór ag iarraidh déirce.25. Síoda ar Shiobhán agus preabáin ar a hathair. Baineann an dá sheanfhocal seo le daoine a mbíonn galántacht agus éirí in airde ar siúl acu agus nach acmhainn dóibh é.26. Nuair a théas an gabhaar go teampall ní stadann go haltóir. Deirtear é seo faoi dhaoine nach eol dóibh cathain is ceart dóibh teora a chur le saoire nó cead a gheibheann siad.27. Cuir síoda ar ghabhar is is gabhar fós é.28. Briseann an dúchas trí shúile an chait.29. Ní dhéanfadh an saol capall ráis d’asal.30. Ní féidir sparán síoda a dhéanamh as cluas seanchránach.(leanann ar an chéad leathanach eile)
