Scoil: Waterville (C.) (uimhir rolla 16015)

Suíomh:
An Coireán, Co. Chiarraí
Múinteoir:
Helen O' Sullivan

Scag na scéalta

Taifeach: Íseal | Ard
An Sprid

Tagairt Chartlainne

Bailiúchán na Scol, Imleabhar 0475, Leathanach 148

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

An Sprid.

Bhí Séamuisín Thaidhg thiar tigh Sheáin mhóir fé dhéin bainne oidhche de’n t-seachtmhain seo caiththe againn agus chaith sé teacht abhaile gan é mar ní raibh aoinne istigh roimhe agus annsan chuaidh sé siar airís timcheall a h-ocht a chlog chum go bhfaigheadh sé an bainne i gcóir na maidne.
Nuair a chonnaic mé féin agus Seán ag dul siar é dubhramar go gcuirfimís eagal air ar a chasadh dhó. Fuaireamar eudaighe bána agus chuireamar orainn iad agus chuadhamar siar gairid do’n reilig agus bhíomar ag fuireach go dtiochfaidh sé.
Ba ghairid gur airighmear ag teacht é. Chuadhamar amach ar lár an bhóthair roimhe acht nuair d’fheuch mé féin gairid dom chonnaich mé an fear ‘na sheasamh ann agus é ag feuchaint go géar orm.
Liuigh mé in áirde mo chinn agus rithe mé agus rithe Seán im dhiaidh.
Níor chuadhamar ag chur eagla ar aoinne ó shoin agus is mise go craidhte an oidhche sin. Ní raibh á leithéid de sgannradh riamh orm. Shíl mé go mbeadh an fear a chonnaic mé ar an mbóthar ag teacht ar mo thóir. Thuit mo chodhladh orm sa deireach acht ba ghairid gur léim mé in áirde sa leabain agus thosnuigh mé ag liúirigh. Deirim leat gur múineadh ceacht dam ná dearmhadfaidh mé.

Teanga
Gaeilge