Scoil: An Tulach (uimhir rolla 13148)

Suíomh:
An Tulaigh, Co. na Gaillimhe
Múinteoir:
Tadhg Ó Séaghdha, Máire, Bean Uí Dhuigneáin

Scag na scéalta

Siar
/ 0268 Ar aghaidh
Taifeach: Íseal | Ard
Buachaillín

Tagairt Chartlainne

Bailiúchán na Scol, Imleabhar 0062, Leathanach 0232

Íomhá agus sonraí © Cnuasach Bhéaloideas Éireann, UCD. Féach sonraí cóipchirt »

Ar an leathanach seo

Bhí buachaillín 'na chómhnuidhe thiar ar an gCaorán 'san áit a bhfuil "Balla Bhuacaillín" anois. Bhí sórt teach aig annsin déanta isteach sa mballa. Bhí sé pósta acht níor chualas ariamh go raibh aon chlann aige. Ba droch-dhuine a bhí ann. Bhíodh sé ag goid géabha, cearca agus caoire. Dhá gcloiseadh sé go mbeadh caoire marbhuighthe ag duine ghabhfadh sé go dtí an duine sin agus chaithfeadh sé píosa dí a fhághail. Bhíodh sé ag teacht amach roimh dhaoine agus chaithfidís a raibh aca a thabai [?] dhó. Tá sgéal ráidhte faoi:-
Bhí gasúr beag ag teacht an bóthar lá anuas ag Loch an Iolraigh agus bhí cloch mhin-choirce aige. D'eirigh buachaillín amach roimhe agus bhain sé an chloch min-choirc[?] de'n ghasúr beag agus mharbhuigh sé freisin é.
Tráthamhail go leór tháinig gárda an bealach. Chonnaic sé fuil ar an gcloch agus bhí fhios aige go raibh droch-obair éicint deánta. Bhreathnuigh an gárda isteach i bpoll a bhí ann agus chonnaic sé an gasúr beag caithte síos ann agus é marbhuighthe.
Cuireadh tuairisg uainéaraí an pháiste agus fríothadh iad. Chuaidh athair an ghasúir agus an gárda go dtí buachaillín agus chuartuigh siad an áit a raibh sé agus fuair siad an mhin-choirce thíos ins sa mála céadna abhí ag an ngasúr. Tóigeadh buachaillín annsin agus cuireadh amach go dtí na hIdiacha é agus deirtear go mb'shin é an áit ar cuireadh i dtalamh é.

Bailitheoir
Séamus Bolustrom
Inscne
fireann
Faisnéiseoir
Labhrás Ó Conghaile
Inscne
fireann
Teanga
Gaeilge