Scoil: An Tulach (uimhir rolla 13148)

Suíomh:
An Tulaigh, Co. na Gaillimhe
Múinteoirí:
Tadhg Ó Séaghdha Máire, Bean Uí Dhuigneáin
Brabhsáil
Bailiúchán na Scol, Imleabhar 0062, Leathanach 0218

Tagairt chartlainne

Bailiúchán na Scol, Imleabhar 0062, Leathanach 0218

Íomhá agus sonraí © Cnuasach Bhéaloideas Éireann, UCD.

Féach sonraí cóipchirt.

Íoslódáil

Sonraí oscailte

Ar fáil faoin gceadúnas Creative Commons Attribution 4.0 International (CC BY 4.0)

  1. XML Scoil: An Tulach
  2. XML Leathanach 0218
  3. XML “An "Summons"”

Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.

Ar an leathanach seo

  1. “An Summons”
    Máire Ní Leainde, Barr Roisín, d’innis. Tá sí 84 bliain.
    Bhí an sagart i dteach Faoistine lá thuas i nDoire Coill, d’iarr sé ar an bpobul má bhí fear misneamhail ar bith i na measg é theacht i láthair chuige, go raibh graithe cruadhógach aige dhó. D’innis sé annsin cé’n graithe bhí aige dhó. Leitir a bhí aige le cur soir chuig a’ mBlácadh, séard do bhí ann Summons. Theastaigh fear maith uaidh, dubhairt sé, fear nach mbeadh sgáth ná faitchíos air agus a thiubhradh an leitir isteach i lámha an Blácaigh é féin, tháinic a’ fear chuige, staic beag g’fhear ar na Doireadha agus dubhairt go sínfeadh sé an leitir chuig a’ mBlácach, nach mbeadh sgáth na faitchíos air “Tabhair aire do do gsaith anois” adeir a’ sagart leis, “fainic a dtiubhrthá do dhuine ar bith é ach do’n Bhlácach é féin.”
    Bhí go maith. Fuair sé an leitir ó’n sagart. Leitir thanaidhe ar nós leitir ar bith bhí inna, a’ cover taoi’ muigh uirthi. Chuaidhe sé annsin, chuir cover eile taobh amuigh dhó sin uirthi, ceann eile taobh amuigh dó sin arís. Chreidim gur chuir sé seacht nó ocht de cheanna uirthi. D’imthigh leis annsin go ndeachaidh sé síos chuig a’ gCaisleán. Chuaidh sé ag a’doras, d’innis sé go raibh leitir aige do’n Bhlácach. Dubht na daoine tháinig ag a’doras chuige go dtiubrhaidís féin dó í. “O’, adeir sé, “dubhradh liom í síneadh isteach in a láimh chuige féin.” As a’deire tháinig an Blácach féin amach, shín sé an leitir aige. Chúns bhí seisean ghá hosgailt rinne mo dhuine bocht a bhealach amach, thug sé dhá shiúbhal é, soir a thug sé aghadh. Ar a chonnic a’ Blácach céard a bhí sa leitir spréach sé. Chuir sé an tóir i ndiaidh an duine thug dhó í acht siar a chuaidh sé ghá thóraúeacht, bhí mo dhuine bailighthe leis soir faoi na Minne.
    Sin é an huair a searbháileadh go dtí Baile Átha Cliath é.
    Tras-scríofa ag duine dár meitheal tras-scríbhneoirí deonacha.
    Topaicí
    1. áit-spás-timpeallacht
      1. riaradh talún (~4,110)
    Teanga
    Gaeilge
    Faisnéiseoir
    Máire Ní Leainde
    Inscne
    Baineann
    Aois
    84
    Seoladh
    Barr Roisín, Co. na Gaillimhe