Scoil: Caiseal (2) (uimhir rolla 15393)

Ar an leathanach seo

1. Ambhros ó Siadhail

   

   Roinn Roinn Postáil

   Bhí fear ann fad ó shoin agus is fad ó shoin é de shíol Shiadhail. Bhí sé fhéin agus a bhean ina gcomhnuidhe i gcoillidh. Bhí mac amháin acu, ach fuair an bhean bás nuair a rugadh an mac agus thóg sé é le bainne. Ambhros a tugadh ar an mhac agus cha rabh dadaidh le h-ithe aige ach éanacha na coilleadh agus eallach fiadhaine.
   Bhí siad ina gcomhnuidhe annsin go bréagh ag ithe leo go rabh Ambhros fiche bliadhain. Chuaidh an t-athair amach lá amháin fá choinne ainmhidhe le na mharbhadh agus thainig sé 'na bhaile agus chan fhuair sé a'n fhear.
   Nuair a thainic sé isteach thoisigh sé a chaoineadh agus d'fhiafruigh a mhac, Ambhros, dó cáide bhí air. "Níl a'n anmhidhe le fágháil againn le h-ithe agus tá mé buaidheartha ag amharc ortsa dhul 'un bháis le h-ocras". "Ach" a deir sé "mair'fidh mé an bhó atá ag tabhairt bainne dúinn agus bheirfidh mé a leath duit agus imtheochaidh tú i mbéal do chinn ag cuartadh seirbhíse(").
   Mharbhuigh sé an bhó agus ghearr suas í agus cheangail sé a leath i gcroicne gabhair. Chuir Ambhros leath na bó ar a dhruim agus shiubhail sé leis ar maidin. Bhí sé siubhal leis fríd na coillte agus nauir a bhíodh ocras air lasadh sé teine agus bhruitheadh sé cuid den fheóil. Bhí sé dhá lá agus dhá oidhche ag siubhal leis agus nuair a thiocadh an oidche air chodluigheadh sé sa choillidh.
   Ar an tríomhadh maidin d'ith sé deireadh na feola agus shiubhail sé leis gur casadh bealach mór air. Shiubhail

   (leanann ar an chéad leathanach eile)

   

   Tras-scríofa ag duine dár meitheal tras-scríbhneoirí deonacha.

   Stair Athraigh

   Innéacs seanscéalta

   AT0650**: The Strong Youth

   AT1000: Bargain Not to Become Angry

   Teanga

   Gaeilge

   Bailitheoir

   Seán Ó Domhnaill

   Inscne

   Fireann

   Faisnéiseoir

   Pádraig Ó Colla

   Inscne

   Fireann

   Aois

   74

   Seoladh

   An Seisíoch, Co. Dhún na nGall