Scoil: Rann na Feirsde (uimhir rolla 15927)
- Suíomh:
- Rann na Feirste, Co. Dhún na nGall
- Múinteoir: Pádraig Ó Baoighill
Tagairt chartlainne
Bailiúchán na Scol, Imleabhar 1065, Leathanach 125
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- (ar lean ón leathanach roimhe)Fá dheireadh d'imthigh siad uilig go teach an ríogh a iarraidh ingean an ríogh le pósadh. Nuair a chuaidh sé isteach bhí cúigear fear eile rompa ag iarraidh ingean an ríogh le pósadh. D'fhoscail an rí sé dóirse agus chuaidh fear acu amach ar achan ndoras. D'iarr an rí ar a ingin an fear a b'fhearr léithe a leanstan ach shuidh sí agus ní leanfadh sí fear ar bhith acu.
"Ó bó, bó," arsa an rí, "caidé thainic ort? cad chuige nach deachaidh tú amach indiaidh fir acu?
"Ní bhéidh sé le rádh ag fear ar bith acu gur lean mise é," ar sise, "ach cé bith fear acu is fear ag troid pósadh mise é?
Rinn siad amach a ghabhail a throid ar maidin lá thar na bhárach. An oidhche sin nuair a chuaidh siad a luighe, Ar maidin chuaidh an buachaill fhad leis an rígh agus dubhairt sé go muirbhfidhe a mhac sa troid an lá sin. Dubhairt an rí gur chuma leis na go mb'fhéidir gur sin an bás a bhí i ndán dó.
Dubhairt an buachaill gur mhór an truaighe é bás fhagháil. Dubhairt sé annsin go rabh a mhac-san agus é féin iongantach cosamhail le chéile agus go dtroidfeadh seisean ina áit. Dá mbainfeadh sé ingean an ríogh go dtabharfadh sé do na mhac í le pósadh. Dubhairt sé dá muirbhfidhe fhéin é nach mbéadh caill déanta. Thoiligh siad sin a dhéanadh(leanann ar an chéad leathanach eile)
- Faisnéiseoir
- Maighread Ní Ruaidrigh
- Inscne
- Baineann
- Aois
- 37
- Seoladh
- Rann na Feirste, Co. Dhún na nGall
