Scoil: Cuan Dor (uimhir rolla 1272)
- Suíomh:
- Glandore, Co. Cork
- Múinteoir: Séamus Ó Donnchadha
Tagairt chartlainne
Bailiúchán na Scol, Imleabhar 0309, Leathanach 296
Íomhá agus sonraí © Cnuasach Bhéaloideas Éireann, UCD.
Féach sonraí cóipchirt.
ÍoslódáilSonraí oscailte
Ar fáil faoin gceadúnas Creative Commons Attribution 4.0 International (CC BY 4.0)
- XML Scoil: Cuan Dor
- XML Leathanach 296
- XML “Scéal”
Nóta: Ní fada go mbeidh Comhéadan Feidhmchláir XML dúchas.ie dímholta agus API úrnua cuimsitheach JSON ar fáil. Coimeád súil ar an suíomh seo le haghaidh breis eolais.
Ar an leathanach seo
- Aon oidhche amháin fadó riamh bhí beirt fhear ag sgoruíocht, i dtig comharsana agus níor bhraiteadar an t-am ag sleamhnú uatha go raibh sé ana-dhéanach ar fad. Bhí sé tar éis a ceathair a chlog ar maidin nuair a d'fhágadar an tig chun dul abhaile agus ní rabhadar abhfad ó'n dtig nó go bhfacadar madra dubh á leanúint.
Do ritheadar go tapaidh nó go dtángadar go crosaire agus chuaidh fear amhain a bhóthar féin abhaile agus do lean an fear eile de go dtáinig sé go dtí an tigh agus tréis dul isteach do, do chuir sé an laiste ar an ndoras. Ní raibh sé ibhfad istigh go gcuala sé cnag ar an ndoras agus bhí eagla air an doras a oscailt.
B'é nós ag na daoinibh coileach a choimeád os cionn an dorais leasmuigh agus bhí ceann aca ag an bhfear úd agus tar éis cúpla secund d'oscaileadh an doras agus do léim an coleach anuas agus do bhuail sé an t-é a bhí ag an doras. D'imthigh pé rud a bhí ann-chuaidh an fear anáirde an staighre agus do thuit sé i luige. Nuair a d'eirig sé ar maidin bhí an coileach marbh. Ní raibh aon coileach ag an bhfear eile agus fuarthas marbh é ar maidin nuair a chuaidh a chara go dtí an tig.
